Berriak

2013ko urtarriletik martxora bitartean eskainiko ditugun ikastaro batzuetarako irakasle bila gabiltza.

Hauek dira ikastaro horien oinarrizko ezaugarriak:

- Ikastaroak: 2 izango dira, ikasleen adinaren arabera

1. Tux Paint, Tux Typing, Pixton (for fun): 9-10 urteko haurrentzat
2. Scratch: 11-12 urteko haurrentzat

- Lekua: Eibar

- Egunak: Urtarrila-Otsaila eta Martxoko 9 larunbata:

• Urtarrila: 19-26
• Otsaila: 2-9-16-23
• Martxoa: 2-9-16

(Informazio gehiagorako, sakatu izenburuan)

UEUk unibertsitate-mailako euskarazko ikasmaterialak sustatzeko hiru diru-poltsatarako deia egiten du. Poltsa bakoitzaren iraupena gehienez urtebetekoa izango da eta diru-zenbatekoa, 1.000 eurokoa. Jakintza-arlo guztietara irekita dagoen deialdia duzu hau. Poltsaren oinarriak web gune honetako Deialdiak atalean topatuko dituzu.

GAUR DA (azaroak 15) DOKUMENTAZIOA AURKEZTEKO AZKEN EGUNA.

• Informazio gehiago: Nekane Intxaurtza
• (00 34) 94 679 05 46
• n.intxaurtza@ueu.org

• "Zer, non ikasi" aplikazioa Euskal Herriko unibertsitateen graduko titulazioen bilgunea da. Bilatu intereseko duzun ikasketa hainbat modutan: jakintza-alorraren arabera, unibertsitatearen arabera, lurraldeka... Behin bilaketa-emaitzak aurrean dituzula, datu zehatzak kontsultatu ahal izango dituzu aurrean duzun zerrendako izenburuetan klik eginez. Aukeratutako graduaren informazio zehatza izango duzu pantaila aurrean.
• "Iragarkien ohola" aplikazioa post-it interaktiboa da. Ikasleek, irakasleek, gazteek, helduek, edozein pertsonak bere iragarki laburrak idatzi eta zabaltzeko baliagarria den aplikazioa. Zuzenean zure sakelakotik www.unibertsitatea.net webgunean editatu ahal izango dituzu iragarkiak. Hauek zabaltzeaz gain, "Iragakien ohola"ren bidez jaso ere egingo dituzu zure mugikorrean eta harremanetan jar zaitezke egilearekin.

Biak Google Play-en aurki daitezke. Animatu eta probatu!

Eskaintza oparoa antolatu dugu udazken honetan Iruñean.

Alde batetik, Nafarroako Gobernuaren Hezkuntza Departamentuarekin sinatutako hitzarmenaren baitan, irakasleen etengabeko prestakuntzara zuzendutako UEUren ikastaro batzuk homologatu dira:

• Nola eta noiz hitz egin sexualitateaz haurrei.
• Haur-psikologia: gaurko haurrak etorkizuneko helduak.

Bestetik, NUPekin elkarlanean beste ikastaro bat ere prest dugu:

• Emozioen kultura, norberaren gaitasuna lantzen.

Azkenik, UEUk eta Orreaga Iritzi taldeak elkarlanean ondoko hitzaldi-zikloa eskaintzen dute Iruñean: (gehiago irakurtzeko sakatu izenburuan)

UEUk urriaren 18an egindako Ikasturte Hasiera ekitaldian erakundeak 40 urte hauetan egindako lana azpimarratu, eta laster osatuko den gobernu berriari iaz kendutako partida izenduna berrezartzeko deia luzatu dio. Aurtengoa oso urte zaila izan dela aitortu dute UEUko ordezkariek, eta eskerrak beroenak UEUko bazkide eta kolaboratzaileei eman dizkiete, emandako babes, lan, ilusio eta diruagatik, "milaka bihotzek osatutako proiektua dela frogatuz".

Ekitaldi berean, UEUren I. Merezimendu Saria Martin Orbe, 1976-1983 urte tartean UEUko Zuzendari izandakoari eman diote, euskara eta euskal kulturaren alde egindako lanaren eskertzen modura.

Liburu berri bi argitaratu ditu UEUk, dagoeneko gure DENDAN eskuratu ditzakezuenak bai paperean bai eta modu digitalean ere:

• "Elikagaien segurtasuna eta kalitatea XXI. mendean"
• "Ekuazio diferentzial arruntak askatzeko zenbakizko metodoak"

UEUren web-orriko DENDAN urriaren 1etik urriaren 7ra egindako erosketek arlo berbereko argitalpen bat izango dute opari. Horrez gain, Interneteko erosketa guztiek %10eko beherapena dute eta, UEUko bazkidea izanez gero, deskontua %30ekoa da. Sartu eta aukeratu zure liburua!

Erosketa gauzatzeko erregistratu behar zara: jarraitu erosketa egiterakoan azaltzen diren pausuak eta, ondoren, zure e-postan kontua aktibatzeko mezua jasoko duzu.

• Informazio gehiago: Nekane Intxaurtza
• (00 34) 94 679 05 46
• n.intxaurtza@ueu.org

Udako Euskal Unibertsitateko (UEU) langileen batzarrak bat egin du biharko greba deialdiarekin, eta, horrenbestez, UEUko egoitzak itxita egongo dira biharko egunez.

Ikastaro eskaintza oparoarekin dator UEU ikasturte berrian.

• Eibarko Ikastetxe Nagusian 10 ikastaro ditugu gai anitzekin: marketinga, Moodle, Ubuntu, bileren dinamizazioa, entzun zure gorputza, guraso eta haurren elkar ulertzea, mingostu gabe bizi, sexualitateko aholkularitza, sormena eta fisioterapia.

• Nafarroako Unibertsitate Publikoko eskaintzaren baitan ere hiru ikastaro antolatu ditugu Iruñean, eta edozeinek parte hartu dezake bertan: Argazkigintza, Euskal Mitologia eta Emozioen kultura

Hezkuntza Sailaren GARATU programaren barne 2012ko azarotik 2013ko ekainera bitartean emango diren ikastaroetan izena emateko epea ireki da.

Izena emateko bi bide daude:

1. Hezkuntza Sailaren web gunetik on line
2. Eskaera bete (orriak hemen) eta Hezkuntza Delegaritzetara pertsonalki eraman edo posta arruntez bidali:

Araba. San Prudencio, 18 -bajo. 01005 – Vitoria-Gasteiz

Bizkaia. Gran Vía, 85. 48011 – Bilbao

Gipuzkoa. Andia, 13. 20004 – Donostia

(Ikastaroen zerrenda ikusteko egin klik izenburuan)