Berriak

Eibarko Udalak, Udako Euskal Unibertsitatearen laguntzarekin, euskarazko ikerketa sustatzeko eta Juan San Martin eibartar euskalari eta ikertzailea omentzeko, honen izena duen ikerketa-beka sortu zuen 2001. urtean. Ikerketa esparruak Juan San Martinek bere bizitzan zehar landutako honako hauek dira: Antropologia, linguistika, filologia, toponimia, filosofia, literatura, botanika, artea, historia, kazetaritza, etnologia, mendizaletasuna eta zuzenbidea. Aurtengo deialdiak MENDIZALETASUNA izango du ikerketa-gai eta irabazleak 9.000 € saria eskuratuko du. 

2011ko deialdiko izena-ematea zabaldu da. Interesatuok irailaren 1etik urriaren 11ra bitartean aurkeztu ditzakezue eskaerak honako helbidean:

Eibarko Udaleko Herritaren Zerbitzurako Bulegoan

-PEGORA-

Untzaga plaza z/g

20600 Eibar

Tel. 943 708 400

Hezkuntza, Unibertsitate eta Ikerketa Sailak Lanbide Heziketa irakasleak trebatzeko landutako planaren baitan, UEUk ikastaro bat eskainiko du: Merkataritza establezimendua kudeatzea eta administratzea. Ntics. Aplikazio informatikoak

Deialdi honetan izena emateko epealdia zabalik dago.

• Izena emateko epealdia: irailak 5 eta 16 bitartean.

• Non eta nola eman izena: Hezkuntza Saileko webgunera jota, hau da, Lanbide Heziketa

Hezkuntza, Unibertsitate eta Ikerketa Sailak baimendutako, Unibertsitatez kanpoko ikastetxeetako irakasleei zuzenduriko, GARATU 11/12 programako eskaintzaren baitan 16 ikastaro UEUren eskutik jaso ditzakezu.

Honezkero 2011ko azarotik 2012ko ekaina bitartean egingo diren ikastaroen izena emateko epealdia zabalik dago irailaren 5etik irailaren 23 arte, adi beraz interesatuok! Izena emateko Hezkuntza Saileko webgunera jo behar da: GARATU

Jarraian UEUk antolaturiko ikastaroen inguruko informazioa zehatza duzue.

Uztailaren 27an abiatutako UEUren 39. edizioko udako ikastaroak atzo amaitu ziren. Lau astean hiru ikasketa-zentrotan 26 ikastaro eman dira: Eibarren, Baionan eta Iruñean. Aurten 35 ikastaro eskaini dira eta horietatik 26 eman, iaz beste. Irati Iciar, Udako Ikastaroen arduradunaren esanetan: "krisialdiari aurre eginez, UEUren helburuak bete dira."

Udako ikastaroen laugarren astea abiatu da. Hemendik uztailaren 20ra bitartean Iruñako Jaso Ikastolan zortzi ikastaro izango dira. Aldi berean Eibarren 2011 Kimikaren Nazioarteko Urtearen inguruko gogoeta egingo dugu.

UEUk antolatzen dituen 39. udako ikastaroak ekainaren 27tik martxan dira. Ia konturatu gabe euren erdigunera iritsi gara. Eibar eta Baionan egon eta gero, asteon berriro Markeskoa jauregira itzuli gara. Hemen, beste sei ikastaro eskainiko ditugu. Goizetik mugimendua izan dugu eta ikasle nahiz irakasleak gogotsu etorri dira; ikasteko eta ongi pasatzeko asmoz. Eskaintza anitzari jarraiki, hainbat jakintza alorretako ikastaroak izango dira; guztiontzat aberasgarri. Udako ikastaroetan... murgildu!

Martxan dira jadanik UEUk antolatzen dituen 39. udako ikastaroak. “Murgildu” lelopean, gaurtik hasi eta uztailaren 22ra arte. Guztira 35 ikastaro emango dira Eibarren, Baionan eta Iruñean.Udako ikastaroen lehenengo egunari Eibarko Markeskoa jauregian ekin diogu. Goizetik mugimendua izan dugu eta ikasle nahiz irakasleak gogotsu etorri dira; ikasteko eta ongi pasatzeko asmoz. Aste honetan Eibarren izango dira ikastaro guztiak.Oraindik gainerako ikastaroetan izena eman daiteke, ikastaroa bera hasi baino astebete lehenago. Parte hartu!

Aurtengo udako ikastaroetan izena emateko epea dagoeneko zabalik dago.

MURGILDU lelopean egingo diren ikastaroen data eta tokiak hauexek izango dira:

 

• Eibarko ikastaroak ekainaren 27tik uztailaren 1era eta uztailaren 11tik 15era
• Baionako ikastaroak uztailaren 4tik 6ra
• Iruñeko ikastaroak uztailaren 18tik 20ra

 

Argi ibili, talde txikiak onartuko ditugu eta azkar osatzen baitira!

 

Informazio gehiago eta matrikula HEMEN

 

Zabaldu ezazu udakoen BIDEOA!

 

Otsailean Euskal Herri osoko 80tik gora hedabidek (tartean UZTARO eta ALDIRI aldizkariak) bertara deitu zintuztegun euskarazko hedabide ez publikoen sektoreak egungo krisiaren aurrean bizi duen egoeraren berri emateko. Besteak beste, iragarri genuen hurrengo hilabeteetan euskal gizarteko instituzio eta alderdiekin biltzeko asmoa genuela, eta hala egin dugu. (Horren berri eman da gaur agerraldi batean Donostian, eta publizitate kanpaina bat ere aurkeztu da).

Eusko Jaurlaritzako Hezkuntza Sailak irakasleen etengabeko prestakuntzarako antolatzen duen GARATU programan, 11/12 ikasturtean, UEUren eskutik jaso daitezkeen ikastaroak hauek dira. Irakasle bazara, beharbada interesatzen zaizkizu guk eskaintzen ditugun ikastaroak:

 

1. epea: 2011ko uztaila, abuztua, iraila eta urria

 

Izena emateko epea maiatzaren 10an amaitzen da.

 

• 784 GIS libreen erabilera irakaskuntzan
• 788 Irakurketa-idazketaren nahasmenerako software propioa
• 789 Irakurketa-idazketaren nahasmenerako software propioa
• 790 Irakurketa-idazketaren nahasmenerako software propioa
• 911 Linuxera sarrera Ubunturekin