Gradu eta graduondokoak :: Argazkigintza, Artea , Eskultura, Ikuskizunak, Marrazkigintza, Musika, Pintura, Zinema, Literatura, Antropologia, Bertsolaritza, Hezkuntza, Pedagogia, Soziologia, Dantza

Bazkide egin zaitez

Euskal Kultur Sorkuntza eta kritika feminista (UPV/EHUren Aditu Titulua)

Inprimatu
  • Hasiera-data: 2019(e)ko urriaren 25a
  • Amaiera-data: 2020(e)ko apirilaren 3a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: Ostirala, larunbatak. ONLINE.. Ostiralak, 16:00-20:00, eta larunbatak, 9:30-13:30
  • Izaera: Erdi presentziala
  • Ordu kopurua: 180.00 ordu
  • Loa eta otorduak: Loa: 0.00 € / eguneko. Bazkaria: 0.00 € / eguneko. Afaria: 0.00 € / eguneko
  • Matrikula-epearen hasiera: 2019(e)ko apirilaren 15a
  • Matrikula-epearen bukaera: 2019(e)ko ekainaren 5a

(Ohar garrantzitsua: izen ematea UPV/EHUren web orrian egiten denez, web orri honen matrikulazio aukera soilik informazioa jasotzeko erabiliko da. Barkatu eragozpenak.)

Euskal kultur sorkuntzara hurbiltzeko ikuspegi kritiko jakin bat jorratuko da graduondoko honetan: Kultur Kritika Feministaren jardunean trebatuko dira ikasleak. Euskal kultur sorkuntzaren ikuspegi garaikidea eta askotarikoa jorratuko da graduondokoan. Bestetik, kultur logikak eta genero-logikak harremanetan jarri ahal izateko, hainbat esparrutako adierazpideetara hurbilduko gara (arte plastikoa, arte eszenikoak, bertsolaritza, literatura, musika, komikia, zinea). Nolanahi ere, euskal kultur sorkuntzaren ikuspegi garaikide hori eskaintzeko, ibilbide historikoari ere erreparatuko zaio, eta kultur esparru bakoitzaren bilakaeraren berri emango da, betiere genero-ikuspegia zehar-lerro gisa hartuta.

Aditu titulu hau eskaintza zabalago baten parte da: Euskal Kultur Sorkuntza eta Kritika Feminista. Ikerketa, Irakaskuntza eta Kudeaketa Unibertsitate Espezialista Berezko Titulua (30 ECTS)

Graduondokoa UPV/EHUko Berezko Tituluen eskaintzan sartzen da, UPV/EHUko Sail bik antolatuta: Euskal Hizkuntza eta Komunikazioa Saila eta Hizkuntzaren eta Literaturaren Didaktika Saila.

 

Ezaugarri orokorrak:

  • Eskolak UEUko Eibarko egoitza akademikoan eta UEUren Ikasgela Birtualean izango dira.
  • Aurrez aurreko eskolak ostiraletan (16:00-20:00) eta larunbata goizetan (9:30-13:30) izango dira.
  • Kredituak: 18 ECTS
  • Prezioa: 720 €

Badugu informazio guztia biltzen duen txostena, hemen eskuratu daitekeena.

 

Helburuak

  • Euskal kultur sorkuntzaren ezagutzan eta transmisioan sakontzea, betiere kulturaren ikuspegi kritikoa eta feminista garatuz.
  • Kultur Kritika Feministan trebatzea.

Edukiak

E USKAL KULTUR SORKUNTZA ETA KRITIKA FEMINISTA graduondoko honetan bi modulu hauek landuko dira:

  •  I. modulua: Euskal Kultur Sorkuntza: ibilbide historikoa eta genero-ikuspegiak (10 ECTS).
  •  II. modulua: Euskal Kultur Sorkuntza eta Kultur Kritika Feminista: lantegia (8 ECTS).

Nori zuzendua

Gradua edo diplomatura duten eta kultur bitartekaritzaren edozein esparrutan (ikerketa, irakaskuntza, kazetaritza, kultur zerbitzuak, kultur politikak, politika feministak...) lan egingo duten mota askotako ikasleak onartuko dira, baita profesionalak ere.

Matrikulaziorako argibideak

 UPV/EHUren titulua izanik izen-ematea eta matrikulazioa UPV/EHUko Berezko Tituluen sarbidetik egin beharko da, hemendik.

UPV/EHUko prozedura izanik, bertako ikaslea ez bazara izan, prozedura berezia da eta guk lagundu ahal zaitugu bide hori egiten.

Halaber, edozein zalantza argitzeko, edo prozeduran laguntzarik behar izanez gero, a.latatu@ueu.eus helbidera idatz dezakezu.

 

M ATRIKULAZIO - EGUTEGIA

  • I ZEN - EMATEA : 2019ko apirilaren 15etik ekainaren 5era arte.
  • O NARTUTAKOEN BEHIN - BEHINEKO ZERRENDA ARGITARATU : 2019ko ekainak 7.
  • A LEGAZIOAK EGITEKO EPEA : 2019ko ekainaren 10etik 12ra.
  • O NARTUTAKOEN BEHIN BETIKO ZERRENDA ARGITARATU : 2019ko ekainak 14.
  • M ATRIKULA - ALDIA : ekainaren 26tik uztailaren 3ra arte.

I ZENA EMATEKO DOKUMENTAZIOA

Izena ematean, honako dokumentazio hau igo behar du ikasleak GAUR aplikaziora:

  • Espediente akademikoa.
  • Curriculum vitae.
  • Aurkezpen gutuna.

Oharrak

UPV/EHUren Berezko Titulua da eta beraz, UPV/EHUko eskaintzan sartzen da, unibertsitateari dagozkio tramite administratiboak (matrikulazioa eta graduondokoaren betekizunak).

UEUtik prozesu osoan laguntzen dugu eta zalantzarik baduzu, mesedez jar zaitez gurekin harremanetan eta infomazio guztia helaraziko dizugu.

(Ainhoa Latatu, a.latatu@ueu.eus, 943821426)

Etiketak

Kultura, transmisioa, feminismoa, antropologia, artea, hezkuntza
UEU365
2022 UEUdaberria prest!

2022/01/11

Iñaki Dorronsoro: “Bioekonomiaz hitz egin beharrean, bio-sozio-ekonomia-politika-kulturaz arituko nintzateke”

2021/11/16

Abel Camacho: “Euskal Unibertsitatea sortzea da gure azken xedea eta, bide horretan, Euskal online unibertsitatea bideragarria dela ikusten dugu”

2021/11/15

ETIKETAK