Adimen gaitasun handiko ikasleak

Ikastaroa BETE egin da. Interesa izanez gero, izena eman eta itxaron-zerrendan sartuko zara.

Adimen gaitasun handiaren inguruan ezagutza eta formazio gutxi izaten dugu oro har. Hori dela eta irakasle, hezitzaile eta familiak galduta ibiltzen dira ikasle hauek antzemateko, ulertzeko eta beharrezkoa duten hezkuntza-erantzun egokia eskaintzeko.

Ikastaro honetan aztertuko ditugu ezinbestekoak diren kontzeptu, ezagutza, lege eta araudi, hezkuntza-erantzun, hezitzaileen eginkizun, familien garrantzia eta baliabideak hurrenez hurren.

Gaiaren inguruko ezagutza teorikoak praktikarekin uztartuko dira eta hezitzaileen ardura eta zalantzak partekatu eta argitzen ahaleginduko gara.

Irakasleak

• Izaskun Etxebarria Aizpuru

  Pedagogian eta Psikologian Lizentziatua, Pedagogian Doktorea, Bilboko Hezkuntza Fakultateko irakaslea.

• Yolanda Olasagarre Mendinueta

  Soziologia eta Zientzia Politikoetan Lizentziatua, Adimen gaitasun handikoetan Aditu Titulua, EIBZko irakaslea (irakasleen prestatzailea)

Helburuak

• Adimen gaitasun handikoek dituzten orotariko ezaugarriak ezagutu, ulertu eta erantzun egokia eskaintzeko beharrekoak diren ezagutzak barneratzea.

• Antzemate prozesua eta ebaluazio psiko-pedagogikoa burutzeko dauden bideak aztertzea.

• Legeak ahalbidetzen dituen hezkuntza-erantzunak ezagutzea.

• Hezkuntza-praktika egokiak aztertzea.

• Hezitzaile eta familien arteko erlazioak duen garrantziaz jabetzea eta lotura hori aurrera eramateko urratsak ulertzea.

• Partaideen esperientzia, ardurak eta zalantzak argitzea.

Edukiak

• Adimenaren eta adimen gaitasun handiaren inguruko eredu nagusiak.

• Aurreiritzi eta uste okerrak.

• Terminologia eta deituren bereizketa.

• Ezaugarriak: garapena, hizkuntza, arlo kognitibo, emozional eta sozialak.

• Genero ikuspegia.

• Adimen gaitasun handiarekin batera zailtasun edo ezintasunak dituztenak.

• Antzemate prozesua.

• Ebaluazio psiko-pedagogikoa.

• Hezkuntza-Legeria eta araudiak.

• Hezkuntza-erantzunak.

• Metodologia eta baliabide egokiak.

• Orientazio orokorrak.

Metodologia

Azalpen teorikotik abiatuta, partaideen esperientzia, ardurak eta beharrak uztartuko dira.

Bideo laburrak ikusi, aztertu, bakarkako eta taldeko ariketak egin.

Kasu errealak aztertu.

Zalantzak argitu.

Esperientziak partekatu.

Nori zuzendua

Izen-ematea publiko zabalari irekia dago baina Nafarroako Hezkuntza Graduko ikasleek izango dute lehentasuna. Edozein etapatako irakasleei zuzenduta dago.

Ikasleak onartuak izango dira irizpide honen arabera: izen-emate epea zabaldu eta lehenengo 15 egunetan izena ematen dutenen artean, lehenik, Hezkuntza Graduko ikasleak, gero gainontzeko nafarrak eta azkenik, beste lurraldeetakoak.

15 egun horiek pasata, taldea osatu arte onartuko dira ikasleak.

Matrikulaziorako argibideak

Oharrak

Ikastaro hau Nafarroako Gobernuko Hezkuntza Departamentuak, irakasleen etengabeko prestakuntza gisa homologatu du. Homologazio-zenbakia: 214/2019ko apirilaren 23a. Kreditu bat (1) eskuratu ahal izango da.

Ikastaroko parte-hartze ziurtagiria lortzeko honako baldintzak bete beharko ditu ikasleak:

• Gutxieneko % 85eko aprobetxamendua izatea.

Babesleak

• 

  Nafarroako Gobernua

Etiketak