Soziolinguistika Hiztegi Txikia II. Hizkuntzaren normalizazioa: lau gako eta zortzi azterketa.

Soziolinguistikaren oinarrizko ezagutzan sakontzea euskara bezalako hizkuntza gutxituentzat eta komunitate euskaltzalearentzat oso garrantzitsua dela ohartuta UEU eta Gasteizko Oihaneder Euskararen Etxea jardun horretan murgilduta gaude azken bost urtetan.

Seigarren urtea izango da zeregin honetan sakondu, eta Euskal Herriko ikertzaile ezberdinen lanak gurera ekarriko eta ikastaro moduan eskainiko dituguna. 2020. urte honetan HIZNET, Hizkuntza Plangintza Graduondoko ikerketa-lanetara jo dugu eta iazko parte-hartzaileei beren ikerketa-lanak aurkeztea proposatu.

Antolatzaileok uste dugu oso garrantzitsua dela ikertzaile berriei plaza ematea, eta beren lanen zabalkundea egitea; beraz aukeraketa bat egin, gaika antolatu eta “Hizkuntzaren normalizazioa: lau gako eta zortzi azterketa” ikastaroa osatu dugu gai hauetan interesa duten ikasle, irakasle, eta oro har komunitate euskaltzaleari eskaintzeko.

Otsailetik maiatzera, lau saiotan antolatuta, gure hizkuntzaren normalizazioan eragiten duten zortzi gakoren inguruan hausnartzeko aukera ezin hobea izango dugu.

Ikastaro hau UEUk eta Oihaneder Euskararen Etxeak antolatu dute elkarlanean.

Edukiak

URRIAK 27: Testuingurua.

• Zuriñe Gojenola Goitia "Espainiako konstituzioaren mendeko hizkuntza-politika ezberdinen artean EAE-koa eta Kataluniakoa aztergai.”
• Aintzane Toledo Lardi "Hizkuntzen galera Europar Batasunean. Arriskurik ba ote da oraindik?”

>>>  saio honetan  izena emateko

.

AZAROAK 24: Aktibazioa.

• Xabat Ajuriagogeaskoa Uruburu "Ahobiziak Barakaldotik Baliarraina.”
• Urtzi Arriola Fontecha "Euskararen aldeko ekimenen eragina. Euskaraldia helburu.”

>>>  saio honetan  izena emateko

.

ABENDUAK 15: Jarrera.

• Jon Fernandez San Martin "Ondarroako nerabeen hizkuntza ohiturak sare sozialetan.”
• Olatz Zuazo Azpeitia "Ezkerraldeko gazteen hizkuntza jarrerak.”

>>> saio honetan  izena emateko

.

Ikastaro hau 2020ko otsaila-maiatza artean emateko aurreikusita zegoen baina COVID-19 pandemiak sortutako larrialdi-egoera medio, saio bakarra eman zen eta gainontzeko hiru saioak udazkenera pasatu ziren.

Otsailak 25: motibazioa

• Urtzi Arrieta Archilla "Euskararekiko motibazioak.”
• Lander Muñagorri Garmendia "Zergatik kantatu euskaraz?”

-> Ikusi saio honen bideoa.

.

Nori zuzendua

Gaian interesa daukan edonori.

Matrikulaziorako argibideak

Oharrak

ZIURTAGIRIAK

• Parte hartze ziurtagiria lortzeko, ikastaro osoan matrikulatu behar da eta %80k asistentzia ziurtatu.

Etiketak