Ikastaroak :: Hezkuntza, Zientzia teknologikoak

Escape Room digitala sortzen

  • Hasiera-data: 2022(e)ko martxoaren 5a
  • Amaiera-data: 2022(e)ko martxoaren 12a
  • Tokia: Eibar - Markeskoa Jauregia
  • Nola heldu: https://labur.eus/UEUEibar
  • Ordutegia: larunbatak. 9:30-14:30
  • Izaera: Presentziala
  • Ordu kopurua: 10.00 ordu
  • Matrikula-epearen hasiera: 2022(e)ko urtarrilaren 3a
  • Matrikula-epearen bukaera: 2022(e)ko otsailaren 14a

TALDEA BETE EGIN DA (2022-02-03). Itxaron zerrenda sortu da. EZ egin matrikularen diru-sarrerarik plaza duzula jakinarazi arte.

Ikastaroaren datak: martxoaren 5a eta 12a.

Teknika eta metodologietan ematen ari den berrikuntzak, esperientzia bidezko ikas-irakaskuntzak adibidez, metodo tradizionalagoak alde batera uzten ari dira. 

Jolas-esperientziak pil-pilean dauden honetan, gela kudeatzeko esperientzia izan daitekeen Escape Room edo Ihes-gela digital bat sortzea irakasleontzat interesgarri izan daitekeen sistema gisa aurkezten dugu. Gai ezberdinak modu motibagarriagoan lantzeko aukera eskaini nahi zaie irakasleei.

unibertsitatea.net atarian duzu irakasleari egindako elkarrizketa.

Irakaslea

  • Garazi Zabaleta Mendizabal

    Telekomunikazio ingeniaritzan graduatua, ikus-entzunezko espezialitatean (NUP, Iruñea, 2010). Webguneen programazio eta diseinuan masterduna (CEI, Madril 2012). Hezkuntzan betidanik izan duen interesak Pedagogia ikastera eraman zuen (UNED, 2016-2019). Musikaria da, Musika Konposizioan graduatua (CSMN, Nafarroa, 2019) eta betidanik eman dio garrantzia norberaren sorkuntza bidea aurkitzeari nahiz bizitzarekiko begirada holistiko bat mantentzeari. IKHASIko kidea.

Helburuak

  • Escape Room bat zer den ezagutu eta eraikitzea.
  • Escape Rooma sortzeko tresna aproposa ezagutzea.
  • Norberaren konpetentzia digitala garatzea.
  • Ikasleen konpetentzia digitala garatzen laguntzeko erremintak lantzea.

Edukiak

  • Escape Room digitalak bete beharreko irizpideak.
  • Escape Rooma sortzeko tresnan trebatzea.
  • Escape Roomak osatzeko sormena garatzea.

Metodologia

Hona hemen formazioak izango duen eskema:

  • Aurrezagutzetatik abiatzeko lanketa: Escape Rooman jolastu.
  • Azalpena: gaiei buruzko azalpen teoriko laburrak eta aplikazioen inguruko azalpen praktikoak.
  • Praktika: ikasleek Escape Rooma eraiki eta sormena lantzeko tartea.
  • Hausnarketa: egindakoa partekatzeko tartea eta egindakoari buruz hausnartzeko denbora.
  • Ebaluazioa: nork bere burua, taldekideak eta gainerako taldeak ebaluatzeko tartea.

Momentu oro, zalantzak argitzeko eta galderak egiteko foroa irekita egongo da; hots, konfiantza-giroa sortzea da helburua, prozesu guztian zehar sor daitezkeen duda, beldur, iradokizun eta abarri erantzuna emateko. Ikasleak protagonista izango dira, beren ikas-prozesuari berebiziko garrantzia emanez.

Nori zuzendua

Escape Roomak sortzen ikasi nahi duenari zuzenduta. Edozein etapatako irakasleei zuzenduta dago.

Matrikulaziorako argibideak

  • Matrikulatu aukera sakatu eta han agertutako zaizun fitxa bete.
  • Matrikula-orria bete ondoren, mezu bat jasoko duzu zure posta elektronikoan, matrikularen eta ordainketaren inguruko argibideekin.
  • Ez baduzu mezurik jasotzen, akatsen bat izan da. Horrela bada, jarri gurekin harremanetan: 943 82 14 26, markeskoa@ueu.eus, (Mari Karmen).
  • Talde mugatua: gehienez, 20 pertsona.
  • Hemen UEUren matrikulazio-araudi orokorra.

Oharrak

Homologazioa:

Eguneratze-ikastaro modura homologatuta, 2022ko otsailaren 8an Hezkuntza Saileko Hezkuntza sailburuordeak emandako ebazpenaren bidez, honako kodearekin: 2168348029.