Irakasleen formakuntza :: Musika, Folklorea, Komunikazioa, Pedagogia

254 Kantuz eta jolastuz komunikazioa lantzen

Inprimatu

Hasiera-data: 2010(e)ko apirilaren 12a
Amaiera-data: 2010(e)ko maiatzaren 5a
Tokia: Beasain - Txindoki - Alkartasuna BHI
Nola heldu: http://www.txindokialkartasuna.net/sarrera.cfm?hizkuntza=0
Ordutegia: Astean zehar. 17:00-19:30

Izaera: Presentziala
Ordu kopurua: 20 ordu
Matrikula-epearen hasiera: 2010(e)ko urtarrilaren 1a
Matrikula-epearen bukaera: 2010(e)ko apirilaren 12a

Ikastaro hau astelehen eta asteazkenetan (apirilak 12, 14, 19, 21, 26, 28 eta maiatzak 3, 5) izango da.

Ahozko tradizioaren transmisioaren garrantzia du ikastaro honek oinarri. Abestiak eta musika ikasteko tresna garrantzitsuak dira; kontzentrazioa, adi egoteko gaitasuna, ahoskera... lantzeko, besteak beste.

Irakaslea

Itsaso Arrieta Goiri

Helburuak

Euskal tradizioaren atal desberdinez jabetzea era errez eta dinamikoan. Kanta, jolas, hitz-joko, umeen hizkera, ...
Kantu eta jolasen ingurua kokatzea. Noiz kantatzen zen, zein ingurutan, zein kontestutan, zelan eta zergatik jolasten zen; eta guzti horrek zer eragin izan duen gure nortasunean.

Edukiak

Musika edo kanta da irakasteko biderik unibertsalena herri guztietan, jakinduria transmititzeko tresnarik garrantzitsuenetakoa.
Umeak herriaren folklorea ezagutu behar du, horrek lagunduko dio bere garapenean eta gizartearen nondik norakoak ulertzen.
Ahozko tradizioaren transmisioa (gurasoengandik seme-alabengana) eten egin da neurri handi batean, eta batez ere, hizkuntza gutxituen kasuan oinarrizkoa da transmisio hori umearen hizkuntzaren garapenean.
Hasierako kantuekin hasten gara gure lehen fonemak ahoskatzen eta haiekin gure lehen estimulu psikomotoreak jasotzen.
Haurra, gizarte baten partaide sentitzen dela ikusten du.
Haurra eta literatura gaiari buruz hainbeste hitz egiten den sasoi honetan, ahozko literaturak berebiziko garrantzia du.
Besteekiko tolerantzian hezi behar ditugu umeak eta besteei entzuten ikasi behar dute.
Aditasuna, kontzentrazioa, memoria, sentsibilitatea, ... garatzen lagundu.

Metodologia

Ikastaro praktikoa izango da.

Kanta eta jolas bakoitza dagokion inguru soziokulturalean aurkeztuko da, ohituraz egin izan den antzera. Kanta eta jolasak taldean landuko dira, den-denak buruz ikasi arte.