Argazkigintza dokumentala

Ikastaroa asteazkenetan izango da:  urriaren 19an, 26an eta azaroaren 2an, 9an, 16an, 23an eta 30ean.

Ikastaro honetan dokumentalgintzaren nondik norakoak aztertuko ditugu (zer den, estiloak, kontakizuna egiteko moduak eta abar).

Argazkigintza dokumentala eta foto-kazetaritza (erreportajea) oso hurbileko diziplinak dira. Biek helburu berdina dute: argazkien bidez kontakizun bat egitea.

Erreportajeak gaurkotasunari eta egunkarietako albisteei estu-estu loturik egoten dira.

Lan dokumentalak, ordea, sosegu handiagoz egindako lanak izaten dira. Hara adibide batzuk: Munduko migrazioak (S. Salgado) eta pertsonen kontrako minek eragindako kalteak (Gervasio Sanchez), edo apalagoak (gerra zibilen desagertutakoen gorpuak lurpetik ateratzea).

Egunkariek alardeei buruzko informazioa eman behar badute, egunean bertan edo bezperan egindako argazkiak beharko dituzte. Kazetaritzak oso epe motzeko begirada izan ohi du. Dokumentala atenporalagoa da.

Batzuetan bi bideek bat egiten dute, eta egunkariek lan sakonagoak argitaratzen dituzte.

Dokumental kutsuko lanek beste ezaugarri bat ere izaten dute: errealitateari norbere interpretazioa ematea. Beste era batera esanda: argazkilariak bere ikuspuntua emateak garrantzia handia du.

Ikastaroan sormen-prozesuaren faseak aztertuko ditugu; hasierako erabaki garrantzutsuetatik abiatuta, ediziora arteko pausu guztiak.

Irakaslea

• Jesus Mari Arruabarrena Gaztelurrutia

  Argazkilaria. Itzal handiko argazkilariak izan ditu irakasle eta hainbat liburu argitaratu ditu.

  arruabarrena.tk

Helburuak

• Irudien bidezko adierazpenera hurbiltzea.
• Lan dokumental bat egiten ikastea.
• Norbere estiloa bilatzea.
• Sormena bultzatzea.

Edukiak

Oinarri teorikoa:

• Dokumentalgintza klasikoa.
• Gaur eguneko dokumentalgintza.

Alde praktikoa:

• Gaiari nola heldu eta lana nola burutu.
• Ideiak irudi bihurtzeko hainbat era aurkeztu.
  • Argazkiak antolatzen ikasi.
  • Koherentzia eta estiloa.

Metodologia

Ikastaroa teoriko-praktikoa izango da.

Nori zuzendua

Aldez aurretik oinarrizko ikastaroren bat eginda izatea oso komenigarria da. Dena dela, nahikoa da ikasleak bere kamera erabiltzen jakitea.

Abiapuntua hori izanik, ikasleak era askotakoak izan daitezke: argazkigintza bizibide hartu nahi duen jendea, kazetariak, artistak, hezitzaileak, etnografoak edo, besterik gabe, argazkizaleak.

Matrikulaziorako argibideak

Babesleak

• Eusko Jaurlaritza. Kultura Saila

• Eusko Jaurlaritza. Hezkuntza Saila

• Gipuzkoako Foru Aldundia. Gizarte eta Erakunde Harremanetarako Departamentua

• 

  KUTXA

Etiketak