Sormena lantzeko tailerra (2)

Ikastaroa maiatzaren 4an eta 5ean izango da.

Sormena ez da pertsona gutxi batzuek daukaten dohain bat, pertsona bazara, sortzailea zara.

Irakurtzen ikasten den bezala, sortzaileagoa izaten ere ikas daiteke. Sormena elektrizitatea bezalakoa da, hor dago baina konektatu beharra dago, eta botoia aktibatzearen arduraduna zeu zara.

Zeharkako pentsamendua ohiko patroiak hautsi eta bide berriak topatzeko teknikak erabiltzean datza. Beti modu berean pentsatuz gero, zaila gertatzen da ideia desberdinekin topo egitea, gure burmuinak aldez aurretik sortutako eskema mentalekin funtzionatzen baitu; pilotu automatikoaren bitartez.

Pertsona bakoitzarengan sormena pizten duen puntua ezberdina da, ezin dugu arlo guztietan sortzaile bikaina izan; hala ere, hobekien mugitzen garen arloak identifikatzen baditugu eta sormena lantzeko teknikak ezagutzen baditugu, ziur gure ahalmenak hobeto aprobetxatuak egongo direla.

Irakaslea

• Asier Arrieta Mendikute

  Enpresa zientzietan diplomatua. IZINKER enpresako kidea. Erakunde eta enpresetan sormen prozesuak martxan jartzen dihardu gaur egun.

Helburuak

• Arazo eta erronkak identifikatu eta aztertzea.
• Denok sortzaileak garela ohartzea.
• Sormenaren oztopo nagusiak identifikatu eta gainditzea.
• Ideiak sortzeko teknikak ezagutzea.
• Jolasaren bidez ikasi eta disfrutatzea.

Edukiak

• Denok gara sortzaile, taldean gehiago.
• Sormenaren eta berrikuntzaren arteko diferentzia.
• Inteligentzia motak.
• Patroiak eta aurre-iritziak.
• Nola izan originalagoak.
• Sormen-prozesuko faseak.
• Buru-mapak.
• Ideiak sortzeko teknikak.
• Nola baloratu sorturiko ideiak.
• Ideiak hobetzeko teknikak.
  • Osborn eta SCAMPER.
  • De Bonoren 6 kapelak.

Metodologia

• Talde-dinamikak erabiliko dira gehienbat, ariketa indibidualak egingo diren arren.
• Tailerrak alde teorikoa eta praktikoa izango ditu: teoria gaiaren inguruko oinarrizko ezagupenak finkatzera bideratuta egongo da, eta alde praktikoak, esplikatutako teoria praktikan jartzeko aukera emango du (teoria %30 – praktika %70).
• Sormena lantzeko hainbat teknika ezagun erabiliko dira:
  • Analogiak.
  • Erlazio behartuak.
  • Creartivity.
  • Zentzumenak eta sormena.
  • Bisualizazioak.
  • Erlaxazioa eta sormena.
  • …

Nori zuzendua

• Sortzailea kontsideratzen ez den pertsona orori zuzendua (oker dagoela erakutsiko diogu).
• Bere bizitzan edo lanean ideia berri eta ezberdinak behar dituenari.
• Momentu batez berriz ere ume sentitu nahi duenari.
• Jolastu, ikasi eta ondo pasatu nahi duten pertsonei.

Matrikulaziorako argibideak

Babesleak

• 

  Gipuzkoako Foru Aldundia-Euskara

• Eusko Jaurlaritza. Kultura Saila

• 

  KUTXA

Etiketak