Ikastaroak :: Informatika

Ubuntu: ordenagailua modu erraz eta librean erabiltzeko

  • Izaera: On-line
  • Ordu kopurua: 20.00 ordu
  • Matrikula-epearen hasiera: 2012(e)ko irailaren 3a
  • Matrikula-epearen bukaera: 2012(e)ko urriaren 10a

Ikastaroa on line izango da. Bi ikasgelako saio izango ditu, ikastaroaren hasiera-egunean, urriaren 15ean, 17:00etatik 20:00etara lehenengoa eta ikastaro amaieran bigarrena.

Gaur egun Linux/GNU sistema eragilean oinarritutako makinak modan jartzen ari dira. Orain arte erabiltzaile arruntenentzat arrotza eta zaila zena erabilerraza bilakatzen hasi da eta errealitate bihurtu da Ubuntu linux banaketari esker.

Ikastaro honetan Windows sistema eragilea eta haren inguruan ohikoen erabiltzen diren tresnak ordezkatzen dituen sistema eragile libre baten erabilera landuko da, ikastaroaren oinarria Ubuntu banaketa izango da. Beste aukera asko baldin badaude ere publiko orokorrari ezagunagoa egingo zaiona Ubuntu da, oihartzun izugarria duelako. Gainera, dauden aukeren artean erabiltzen errazena da sorkuntzatik erabiltzaile arrunta abiapuntu eta helburu izan duelako. Laguntza lortzeko ere bide eta aukera gehiago aurki daitezke beste banaketekin alderatuta, Ubunturena atzetik dagoen komunitate onenetarikoa delako sarean.

Erabiltzaile arruntei zuzendutako ikastaroa da, hau da, ezagutza informatikoa minimo bat duen erabiltzaile orori, Windows-en ibili eta horren ordez librea den beste aukera bat probatu nahi duenari. Etxeko zein bulegoko erabiltzaileak izango ditu helburu.

Irakaslea

  • Igor Ruiz Agundez

    UEUko kidea. Informazio Sistemen doktorea. Ingeniari informatikoa. Deustuko Unibertsitateko ikertzaile eta irakaslea.

Helburuak

  • Windows lizentziadun softwarearen ordez, software librearen erabilera bultzatzea.
  • Ubuntu banaketa sistemaren erabileran formatzea.
  • Eguneroko ordenagailuko lanak Ubunturekin egin daitezkeela erakustea eta lan horiek nola egin irakastea.
  • Software askearen ezaugarriak ezagutu eta ezagutzaren zirkulazio asketik datozen onurez jabetzea.

Edukiak

  1. Ubuntu: instalazioa eta sare konfigurazioa.
    1. Ubunturen instalazioa.
    2. Sarearen konfigurazioa.
    3. Kode irekiaren fundamentuak eta kontzeptuak.
    4. Ubuntu proiektua.
  2. Ubunturen mahaigaina:
    1. Mahaigaineko osagaiak (hasierako deskribapena, mahaigaina osatzen duten elementuen aurkezpena).
    2. Erabiltzaileak sortzen.
    3. Aplikazioak gehitu/ezabatu.
    4. Tracker bilaketa tresna.
  3. Mahaigaina eta aplikazioak pertsonalizatzen:
    1. Mahaigaina pertsonalizatzen (gaiak, letra tipoak, login pantailak...).
    2. 3D efektuak.
    3. Fitxategien kudeaketa Nautilus erabiliz.
    4. Archive Manager edo FileRoller.
    5. Pakete-kudeatzailea:
      1. Gehitu/Kendu aukera erabiltzen.
      2. Synaptic erabiltzen.
    6. Software jatorriak, kudeaketa (repositorioak eta gakoak).
    7. Sistemaren eguneraketak.
  4. Aplikazio esanguratsuenak:
    1. Internet.
    2. Bulegotika.
    3. Irudiak.
    4. Audioa.
    5. Bideoa.
  5. Ubuntu laguntza:
    1. Sistemaren laguntza.
    2. On line laguntza.

Metodologia

  • Ikastaroa on line izango da eta ikasgelako bi saio izango ditu: hasierakoa eta  amaierakoa.
  • Moodle plataforma bidez egingo da eta saio guztiak tutore batek gidatuko ditu.
  • Ikastaroak alde teorikoa eta alde praktikoa uztartuko ditu. Plataformaren bidez edukien informazioa emango da eta ariketak egin beharko dira.
  • Hasiera eguneko ikasgelako saioan aurkezpena eta argibideak azalduko dira. Horrez gain, norberaren ordenagailuan Ubuntu sistema eragilea instalatuko dugu.
  • Ikastaroa moduluetan antolatua dago eta modulu bakoitzak aste beteko iraupena izango du. Modulua azalpen testuz eta ariketez osatuta dago.
  • Ikastaroan sortzen diren kezkak eta zalantzak foroen eta txaten bidez argituko ditu irakasleak eta arduradunak.
  • Amaierako ikasgelako saioan ikastaroaren ebaluazioa egingo da.

Nori zuzendua

Ubuntu sisteman trebatu nahi dutenei (ikasle, irakasle, profesional...).

Matrikulaziorako argibideak

Matrikulatu aukera sakatu eta bertan agertutako zaizun fitxa bete.

Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.

Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, markeskoa@ueu.org (Mari Karmen).

Oharrak

Ikastaroa on line izango denez, ezinbestekoa da:

  • Nork bere ordenagailua, posta elektronikoa eta Internet konexioa izatea.

Hasierako ikasgelako saiora nork bere ordenagailua eramanez gero, aukera izango da Ubuntu instalatzeko.