Ikastaroak :: Hezkuntza

Bazkide egin zaitez

Kultura arteko hezkuntzaren garapena

Inprimatu
  • Izaera: On-line
  • Ordu kopurua: 30.00 ordu
  • Matrikula-epearen hasiera: 2013(e)ko irailaren 9a
  • Matrikula-epearen bukaera: 2013(e)ko urriaren 18a

Ikastaroa on line izango da. Ikasgelako saio bi izango ditu, ikastaroaren hasiera-egunean, urriaren 22an, 17:00etatik 20:00etara lehenengoa, eta ikastaroaren amaieran, azaroaren 26an, bigarrena.

Kultura arteko hezkuntzaren gairik funtsezkoenak jorratuko dira: harrera planak, hasierako ebaluazioa, jatorrizko kulturak, kultura arteko bitartekaritza.

Irakaskuntza alorreko markoa oinarritzat hartuta kultura aniztasunaren kontzeptuaren hausnarketa egingo da eta kulturartekotasuna lantzeko praktika onak landuko dira.

Irakaslea

  • Samira Goddi Mendizabal

    Publizitate eta Harreman Publikoetan lizentziatua. Gizarte eta Kultur antropologian lizentziatua.

    Kultur aniztasuneko teknikaria. Kultura arteko bitartekaria izana.

    unibertsitatea.net atarian duzue irakasleari egindako elkarrizketa.

Helburuak

  • Kulturartekotasunaren kontzeptua osotasunean ulertzea.
  • Norbanakoa aztertzea beste kultura, hizkuntza edota lurralde bateko norbaitekin harramanetan denean.
  • Estereotipo eta aurreiritziei aurre egiteko baliabideak ezagutzea.
  • Ikasgeletan kultura aniztasuna lantzeko praktika onetan trebatzea.

Edukiak

  • Kulturartekotasunaren kontzeptua: harrera planak, hasierako ebaluazioa, jatorrizko kulturak, kultura arteko bitartekaritza.
  • Munduko hizkuntzak: hizkuntza aniztasuna EAE eta Nafarroan, idazkera sistemak nola landu ikastetxean.
  • Haurren doluak eta familia bilketa: haurren eta gazteen migrazioa, dolu motak, familia bilketaz etorritako adingabeak, legedia.
  • Estereotipoak, aurreiritziak eta kultura erlatibotasuna.
  • Kulturartekotasuna eta hezkuntza kulturartekotasunaren kudeaketa ereduak/kritikak:
    • Aniztasun kulturalaren kudeaketa eta kultura arteko bitartekaritza metodologia.
    • Teknika eta irtenbide desberdinak, bakoitzak bere eskola eta ikasgelarako baliagarriak izan daitezkeenak.
    • Kultura aniztasunaren kudeaketa eskolan eta teknologia berriak.

Metodologia

Ikastaroak alde praktikoa eta teorikoa uztartuko ditu, aurrez aurreko saioak eta on line irakaskuntza konbinatuz. Hasierako aurrez aurreko saioan oinarrizko gaiak landuko dira, eta azken aurrez aurreko saioan, azken praktiken emaitzak eta zalantzak landuko dira. Ikasgela Birtualaren bidez edukien informazioa zabalduko da eta ariketa praktikoak landuko dira. Zalantzak, argibideak eta ezagutza elkarrekin eraikiko dira Ikasgela Birtualeko foro eta beste zenbait baliabideren bitartez.

Nori zuzendua

Irakasle eta hezitzaileei (hezkuntza-testuinguru guztietakoak).

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, markeskoa@ueu.org (Mari Karmen).
  • Hemen UEUren matrikulazio-araudi orokorra.

Oharrak

Ikastaroa on line izango denez, ezinbestekoa da nork bere ordenagailua, posta elektronikoa eta Internet konexioa izatea.

Babesleak

Etiketak

kulturartekotasuna, bitartekaritza, harrera plana, kultura arteko hezkuntza, aniztasuna, UEUren Ikastetxe Nagusia, eibar, Udazkeneko ikastaroak
UEU365
“Literaturak mundua ikusteko formak eskaintzen ditu, baita mundu-ikuskera batzuk zalantzan jartzeko aukera ere”

2020/10/13

Miguel Angel Barcenilla: “Errenteria, herritarrak emigrante bidaltzetik, immigrante asko jasotzera pasatu zen”

2020/10/08

Beñat Irausegi: “Herritarrak ekonomia eta teknologian burujabe izatea da gure asmoa”

2020/10/07

ETIKETAK