423 Buru-mapak: ideak sortu eta antolatzeko teknika (mind-mapping)

Irakaslea

• Eleder Aurtenetxe Pildain

  Sormen arloko trebatzaile eta aholkularia. Antolaketa arloko ingeniaritza ikasketak. Unibertsitateko irakasle izana. Bilbo Hiria irratian "Berbaz" elkarrizketa-saioaren gidaria.

Helburuak

• Eskuz zein ordenagailuz buru-mapak egiteko gaitasuna. Noiz eta zertarako erabilera bakoitza? Zer alde on modu bakoitzak?
• Parte-hartzaileak buru-mapak erabiltzeko jauzia egitea. Aurrerantzean erabiliko dituztenean ere irakaslearen laguntza izango dute.
• Ideiak labur, argi, ondo egituratuta eta modu ederrean adierazteko gaitasuna garatzea.
• Lan-esparruan erabiltzeko aukerak zabaltzea.
• Nork bere edo talde baten informazioa kudeatzeko erabiltzen ikastea.
• Buru-mapak talde-lanerako erabiltzen ikastea.
• Buru-mapak interneten bidez erabiltzen ikastea, elkarlanerako.

Edukiak

Tony Buzan eta Barry Buzan anaien “The mind mapping book” liburua oinarri hartuta bertan deskribatzen den teknika norberaganatzen hasiko gara:

• Sarrera: testuingurua, antzeko teknikak,...
• Buru-mapen  abantailak.
• Nola egin buru mapak: arauak eta egiteko prozesua:
• Irudimena lantzen.
• Buru-mapak egiten:
• Eskuz.
• Ordenagailuz: Mind Manager, FreeMind, Mindomo, iMindMap…
• Zertarako buru-mapak erabili:
• Jendaurrean mintzatzea.
• Ideia antolaketa.
• Ikasten jarraitzeko iturriak.

Metodologia

Etorritakoen testuingurua eta jakin-nahiak aztertu, ikastaroaren prestaketako lehenengo urrats gisa.

• Oinarrizko azalpenak.
• Ariketak (banakakoak eta taldekakoak).
• Danetariko materialak aztertu eta ikasleen esku utzi, nork bere behar pertsonaletan sakondu ahal izateko.Buru-mapen adibideak aztertzea.
• Adituen testuak eta ikus-entzunekoak.

Etorritakoen parte-hartze etengabea: galderak, iradokizunak, iruzkinak, zailtasunak,… plazaratuz eta haiei erantzun emanez.

Nori zuzendua

Irakasleak orokorrean: jende aurrean mintzatzen direnak, sortzaileak, jakin-nahiak...

Matrikulaziorako argibideak

Babesleak

• Hezkuntza Saila

Etiketak