Besteen aurrean disfrutatu

Ikastaro hau UPV/EHUko irakasleei zuzenduta dago eta hiru campusetan emango da, ondoko datetan:

• Gipuzkoako campusean: ekainak 11, 12, 13
• Arabako campusean: ekainak 18, 19, 20
• Bizkaiko campusean: ekainak 25, 26, 27

Izena emateko epea: maiatzaren 23tik 31ra.

Jendaurrean dabilen gehiengoak, nahiz zereginak ezberdinak izan, antsietate mailaren bat bizi ohi du. Adibide gisa, Kontzertuetan parte hartu, irakasle izan edo epaimahaietan parte hartu duenak badaki ezohikoa dela beldur eszenikoaren sintomarik ez duen norbait aurkitzea. Ekintza baten aurrean tentsio maila jakin bat bizitzeak emaitza hobetu dezakeela badakigu baina, urduritasuna gure kaltetarako denean, eragin ez desiratua gainditzeko baliabideak eskuratzea beharrezkoa da. Klaseak ematerakoan, orduan eta ikaslego tentsoagoa datorkigu: maitasun falta, konfidantza falta, antsietatez gainezka…Gure buruarengan ziurtasuna sendotzeak, gainontzekoen eragina positiboki baliatzeko aukera emango digu.

Ikastaro honetan zuzeneko saioetan gure esperientzia hobetzeko errekurtsoak landuko ditugu. Errekurtsook entrenamendu mentalaren teknikatan oinarritzen dira: Kontrol Mentala, PNL, Yoga, Sofrologia, Barkamen Erradikala, Ho´oponopono, eta abar.

Irakaslea

• Urko Arozena Muxika

  Txistua eta perkusioan lizentziatua. Lan jarduna Musikenen, Badajozen, Irungo kontserbatorio profesionalean, Hernani musika eskolan eta Irungo Udalaren txistulari taldearen zuzendaritzan. Entrenamendu mentalan aditua.

  Goienako elkarrizketak: bideoa eta elkarrizketa

  Hik Hasi elkarrizketa eta bideoa

Helburuak

• Beldur eszenikoa eta antsietatea gainditzea
• Gure burua ezagutu eta maitatu
• Zoriontsu izan

Edukiak

Ikastaroan gure bizitza kalitatea nabarmen hobeagotzen lagundu dezaketen tresnak ikasiko ditugu:

• Gure burua maitatzen lagunduko diguten tresnak.
• Besteen aurrean gure burua eta gure proiektoak ziurtasunez defendatzeko tresnak.
• Beldur eszenikoa gainditzeko tresnak.
• Kideekin eduki genitzazken konfliktoak baretu eta soluzionatzeko tresnak.
• Inguruko energiak gure alde jartzen ikasteko tresnak.
• Benetan nahi duguna zer den eta horren bila joateko tresnak.
• Gure memoria nabarmen hobetu araziko duten tresnak.
• Estresa desagertarazten lagunduko diguten tresnak.
• Gure gorputza energiaz betetzen lagunduko duten tresnak.
• Gure gorputza indarberritzen lagunduko duten tresnak.
• Humanoagoak izaten lagunduko diguten tresnak.
• Gure burua errespetatzen eta aldi berean ingurukoak errespetatzen lagunduko diguten tresnak.
• Azkarrago eta sakonago ikasten lagunduko diguten tresnak.
• Zoriontsu izaten lagunduko diguten tresnak.

Metodologia

Azalpen teorikoak eman ondoren, ariketa praktikoak burutuko dira. Zenbaitetan lehenengo ariketa praktikoa egin eta ondoren emango dira azalpen teorikoak.

Nori zuzendua

Ikastaroa Euskal Herriko Unibertsitateko irakasle eta ikertzaile kontratatuei zuzenduta dago, eskolak euskaraz emango dituzten eta/edo ikerketako jarduerak euskaraz egingo dituzten irakasle eta ikertzaileei bereziki.

Saioen %80ra joatea eskatuko da. Ez zaio egiaztagiririk emango baldintza hori betetzen ez duen partaideari.

Matrikulaziorako argibideak

Babesleak

• UPV/EHU

Etiketak

ikastaroak, oratoria, euskarazko baliabideak, jendaurreko komunikazioa, ahozkotasuna, gorputz adierazpena