Jardunaldiak :: Ekonomia, Soziologia, Nekazaritza

Bazkide egin zaitez

Hezkuntza formalean elikadura subiranotasuna lantzeko erremintak.

Inprimatu
  • Izaera: Presentziala
  • Ordu kopurua: 7.00 ordu
  • Matrikula-epearen hasiera: 2017(e)ko maiatzaren 22a
  • Matrikula-epearen bukaera: 2017(e)ko uztailaren 3a

Elikadura burujabetza eta kontsumo arduratsua txikitatik lantzea berebizikoa da, bereziki gazteen artean ohitura kritikoak eta jarrera ekintzaileak bultzatzerako orduan. Bide horretan, EAThink proiektuak haur eta nerabeekin, ikastetxean, gaur egungo elikadura ereduaren interdependentzia globalak eta elikadura eredu jasangarriak lantzea du helburu, batez ere metodologia parte-hartzaileak eta arazoen ebazpenean oinarritutako estrategiak erabiliz.

Azken bi urte hauetan irakasle eta adituekin elkarlanean material didaktiko anitz landu izan da, bai Euskal Herrian eta baita proiektua garatu den Europako beste 12 herrialdetan ere, eta proiektuaren hirugarren urtea amaitzear denean orain arte landutakoa Lehen eta Bigarren Hezkuntzako irakasleekin partekatu nahi da eta euskal irakasleek haien ikastetxeetan elikadura burujabetza jorratzeko erremintak eskuragarri ipiniz.

Ondoko erakundeekin elkarlanean antolatutako ikastaroa:

Irakasleak

  • Mirene Begiristain Zubillaga

    UPV/EHUko ekonomia irakaslea eta Agroekologia gaietan ikertzailea. UEUkidea.

  • olaiz duhau izaguirre
  • Jakoba Errekondo Saltsamendi

    Nekazaritzan aditua. Bizi Baratzea proiektuko kidea.

    @bizibaratzea

  • xabier goikoetxea iglesias
  • Maialen Sistiaga Poveda

    EuskalNatura – UEU Natur Zientziak taldeko kidea 2007 urtetik, egun UEUko irakaskuntza masterrean “Berrikuntza Ikasgelan” irakasgaiko irakaslea da. Biologian doktorea da eta Euskal Herriko Unibertsitatean, British Columbiako Unibertsitatean (Kanada) eta Cagliariko Unibertsitatean (Italia) aritu izan da lanean ikertzaile eta irakasle gisa. Esperientzia zabala du aisialdi taldeen koordinazioan eta ingurumen hezkuntzan. Hain zuzen, 2016 urtetik Kutxa Ekoguneko Ingurumen Hezkuntzako departamentuan dabil, baso-eskolako teknikari gisa.

Helburuak

  • Elikadura Lehen Hezkuntza eta Derrigorrezko Bigarren Hezkuntzako curriculumean txertatzeko esperientzia praktikoak ezagutu.
  • Gaia ikasleekin lantzeko erreminta praktikoak jaso: Europan garatutako ikas-unitateak, tailer tematikoak eta eskola-baratzeak.
  • Arazo-ebazpenean oinarritutako hezkuntza erabiltzeko erremintak eta ideiak landu.
  • Gizartearen Eraldaketarako Hezkuntzarako erremintak garatu.

Edukiak

  • Herri eskolatik elikadura burujabetza lantzeko oinarriak eta marko teorikoa.
  • Eskola baratzeak garatzeko tailer praktikoa: Bizi Baratzea proiektuko Jakoba Errekondoren eskutik ikastetxeetan ikasturtearen erritmoetara egokitutako eskola baratzeak antolatzen ikasteko tailer praktikoa.
  • Elikadura ikasgelan lantzeko tailer praktikoa: EAThink proiektuan garatu diren tailerrak irakasleek beraiek ikasgelan garatu ahal izateko tailer praktikoa egingo da Donostiako Kutxa Ekoguneko kideen esku, ikasleekin elikaduraren interdependentzia globalak, bertakoa eta sasoikoa jatearen garrantzia eta kontsumo arduratsua jorratzeko tresna didaktikoak landuko dira.
  • Esperientzia praktikoen mahai-ingurua: Lehen eta Bigarren Hezkuntzako ikastetxeetan elikadura zeharka edo zehazki landu dituzten bi esperientzia praktiko aurkeztuko dituzte horiek garatu dituzten irakasleek, arazo-ebazpenean oinarritutako proiektuetan indar egingo da.

Metodologia

Esperientzia praktikoen mahai ingurua eta tailer praktikoak.

Nori zuzendua

- Lehen eta Bigarren Hezkuntzako irakasleak, bereziki tutoreak, eta modu transbertsalean ikasgai ezberdinetan lan egiten duten irakasleak.

- EAThink proiektuan parte hartu duten irakasleak.

- Ikastetxeetako Agenda21 koordinatzaileak eta zuzendaritza taldeak.

- Irakasle-eskolan ikasketak burutu edo irakasle izateko masterra gauzatzen ari diren ikasleak.

- Guraso elkarteetako kideak.

- Hezkuntzan jasangarritasuna lantzeko aholkulariak.

Egitaraua

2017-07-10
Ordua Edukiak Irakaslea
09:00-09:30

Herri hezkuntzatik elikadura burujabetza eraikitzen.
09:30-10:30

Lehen eta Bigarren Hezkuntza ikastetxetan garatutako esperientzia praktikoen mahaingurua:

  • Ama Lurra proiektua. Imaz Bertsolaria Herri Eskola. Olaiz Duhau eta Urrategi Perea, Imaz Bertsolaria Herri Eskolako zuzendaria eta irakaslea.
  • Sagar Zukua proiektua. Olabide Ikastola. Xabier Goikoetxea, Olabide ikastolako irakaslea.
10:30-11:00

Atsedena
11:00-13:00

Tailer praktikoak.

Bi taldetan banatuta:

  • Eskola-baratzea.
  • EAThink tailerrak.
  • Jakoba Errekondo Saltsamendi
  • Maialen Sistiaga Poveda
13:00-14:00

Talde bazkaria

Lakari Kooperatibaren eskutik.
14:00-16:00

Tailer praktikoak.

Bi taldetan banatuta:

  • Eskola-baratzea.
  • EAThink tailerrak.
  • Jakoba Errekondo Saltsamendi
  • Maialen Sistiaga Poveda

Matrikulaziorako argibideak

  • Jardunaldia doakoa da, baina ezinbestekoa da aurretik izena ematea.
  • Matrikulatu aukera sakatu (izenburuaren azpian dago) eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
  • Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, i.iciar@ueu.eus (Irati).
  • Hemen UEUren matrikulazio-araudi orokorra.
  • Diru-laguntzen informazioa.

Oharrak

EAThink proiektuaren baitan argitaratutako material didaktikoa banatuko zaie jardunaldian parte hartzen dutenei. Material honetan oinarrituta lan egingo da jardunaldian zehar.

Babesleak

Etiketak

jardunaldiak, udako ikastaroak, EAThink, eskola baratzea, kontsumo arduratsua
UEU365
Ander Izagirre: “Ikusten ez ditugun izaki bizidun mordoaz inguratuta gaude”

2021/03/05

“Baso-eskola ereduek haurrei dimentsio sozial, emozional eta fisikoan egiten diete ekarpena”

2021/03/02

“Diskalkulia duten haurrak matematikari fobia garatzera irits daitezke”

2021/03/01

ETIKETAK