Prozesu bolivartarra. Oztopo eta erasoen gainetik "La Patria grande" eraikitzen

Orain hamar urte proiektu bolivartarra berpiztu zen Venezuelan, Hugo Chavez Venezuelako presidente izendatzearekin batera.

XIX. mendean Simon Bolivarrek gidaturiko Abya Yala / Latinoamerika askatzeko eta "La Patria grande" sortzeko proiektu integratzailea ezin izan da bete oraindik. Hala ere, azken urte hauetan Latinoamerikako gobernu ezkertiar batzuek eta herriek bultzatuta proiektu hori hasi da gauzatzen, inperialismoak eta oligarkiek beren probetxurako bultzatutako herrien arteko batasun faltari aurre eginez. Inperialismoak Latinoamerikarako zuen proiektu nagusia, ALCA, bertan behera uztea lortu da eta aurrerapauso garrantzitsuak eman dira zenbait arlotan. Hala ere, gainditu beharreko arazo eta oztopoak ez dira gutxi, eta inperialismoaren eginkizuna ez da eten.

ASKAPENA eta UEU elkarlanean ari dira jardunaldi hauek antolatzen.

Irakasleak

• Unai Vazquez Puente

  Soziologoa eta Latinoamericako mugimendu sozialen ikertzailea.

• Antxon Mendizabal Etxabe

  UPV/EHUko irakaslea, Ekonomia Aplikatua I Sailean. Ekonomian aditua.

• Julen Zulaika Alkorta

  Hala Bedi irratiko esataria, ahozkotasun eta bertso irakaslea eta Latinoamerikako egoerataz aditua.

• Gabi Basañez Ruiz

  Jatorrizko herriei buruzko ikerlaria

• Naroa Iturri Lizarribar

  Kazetaria eta Hamaika Telebistako erredaktore burua.

• Iñigo Bilbao Palacio

  Kazetaritzan lizentziatua, sindikalista eta Latinoamerikako egoeraren analista poltikoa.

• Ruben Sanchez Bakaikoa

  Euskal Filologian lizentziatua eta nazioarteko komunikabideen analista.

• Iñaki Etaio Alonso

  Giza Nutrizioan eta Dietetikan diplomatua, Elikagaien Zientzia eta Teknologian lizentziatua eta doktorea. UPV/EHUko irakaslea, Elikagaien Teknologia arloan. Ikertzaile kontratatua Laboratorio de Análisis Sensorial Euskal Herriko Unibertsitatean (LASEHU).

Helburuak

Jardunaldi honen bidez proiektu bolivartarraren jatorria, kontzeptua, eta nondik norakoak hausnartuko dira, baita aurrean dituen erronkak, arriskuak eta potentzialtasunak ere.

Edukiak

• Prozesu bolivartarraren inguruko aurkezpen orokorra
• ALBA eta bere proiektu estrategikoak gaur egun
• Integrazioaren aldeko beste mugimenduak eta gerrillak
• Jatorrizko herriak: Abya Yalaren aldarrikapena
• Prozesu bolivartarra: erronkak, arriskuak eta potentzialitateak

Metodologia

Jardunaldian hizlari ezberdinek oinarri teorikoa emango dute, gerora horren gaineko eztabaida bultzatuz.

Azken gaia lantzeko eta jardunaldiei bukaera emateko, hainbat hizlariren iritzi eta ikuspegiak jasoko dira, entzuleei ere parte-hartzeko gonbitea luzatuz.

Nori zuzendua

Jardunaldia irekia da eta gaian interesa duen edonori zuzenduta dago.

Egitaraua

Matrikulaziorako argibideak

Etiketak

prozesu bolivartarra, hego amerika, ertamerika, simon bolivar, iruñea, ueu, la patria grande