Euskal wikipediaren edizio-maratoia: auzolan-festa Euskal Wikipediaren 10. urteurrenean.

Inprimatu

Data: 2011(e)ko abenduaren 6a
Tokia: Durango-Landako Erakustazoka
Nola heldu: http://www.tagzania.com/pt/durangoko-azoka/
Ordutegia: Astean zehar. 10:30-19:30

Izaera: Presentziala
Ordu kopurua: 9.00 ordu
Matrikula-epearen bukaera: 2011(e)ko abenduaren 6a

Jarduera hau Durangoko Azokaren gunean egingo da.

Euskal Wikipediak 10 urte beteko ditu abenduaren 6an eta urteurrena aitzakia hartuta edizio-maratoia antolatu dugu Gerediaga Elkartea, Euskal Wikipedia eta IXA taldearekin batera. Euskal Wikipediaren proiektua aurkezteko hitzaldiaren ondoren, itzulpenak automatikoki egiteko tresna azalduko da.

Ekitaldiaren zati nagusia praktika da, edizio-maratoia. Hitzaldien ondoren, egunean zehar, partaideak Wikipedian zuzenean editatzen ikasiko du, saioan bitartean tutoreak laguntzeko izango baititu.

Irakasleak

Gorka Julio Hurtado
Informatika Ingeniari Teknikoa eta UEUko kidea.
Unai Fernandez de Betoño Saenz de Lacuesta
Arkitektoa, EHUko irakaslea, UEUkidea eta Aldiri aldizkariko zuzendaria. Euskarazko wikipediako kidea.
Kepa Sarasola Gabiola
Informatikaria, EHUko irakaslea eta euskararen ikerketan dabilen IXA taldeko kidea.
Gorka Labaka Intxauspe
Informatikaria, UEUko kidea eta IXA taldeko ikertzailea.
Galder Gonzalez Larrañaga
eu.wikipedia

Helburuak

Wikipedia: Jakintza librearen entziklopedia ezagutarazi.
Euskal Wikipedia: 10 urteko ibilbidea aurkeztu.
Wikipedian editatzeko erremintak erakutsi eta erabiltzen ikasi.
Itzulpen automatikorako tresnak ezagutu.
Itzulpen automatikoa eta Euskal Wikipedia elkarlanean ikusi.
Euskal Wikipedia hornitu eta edukiz osatu.

Edukiak

Euskal Wikipedia: 10 urte jakintza librea zabaltzen.
Wikipedia: editatzeko argibideak.
Itzulpen automatikoa: zer da eta ze erreminta daude.
Edizio-maratoia.

Metodologia

Saio praktikoa da erabat. Bi hitzaldietan argibideak emango dira eta alde praktikoa edizio-maratoian egingo da, partaideak zuzenean Wikipedian editatzeko aukera izango baitu.

Nori zuzendua

Euskal Wikipedian parte hartzeko interesa daukan edonori zuzendua dago.

Egitaraua

2011-12-06

Ordua	Edukiak	Irakaslea
10:30-11:15	Hitzaldia: Euskal Wikipedia: 10 urte jakintza librea zabaltzen.	Unai Fernandez de Betoño Saenz de Lacuesta
11:15-11:45	Hitzaldia: Itzulpen automatikoa eta Wikipedia elkar laguntzen.	Gorka Labaka Intxauspe
11:45-14:30	Euskal Wikipediaren edizio-maratoia. Euskal Wikipediaren administratzaileek eta itzulpen-automatikoan adituek tutorizatuta.
15:30-16:15	Hitzaldia: Euskal Wikipedia: 10 urte jakintza librea zabaltzen.	Galder Gonzalez Larrañaga
16:15-16:45	Hitzaldia: Itzulpen automatikoa eta Wikipedia elkar laguntzen.	Kepa Sarasola Gabiola
16:45-19:00	Euskal Wikipediaren edizio-maratoia. Euskal Wikipediaren administratzaileek eta itzulpen-automatikoan adituek tutorizatuta.
19:00-19:30	Amaiera ekitaldia. Saio honetan edizio-maratoiaren datuak eta balorazioa egingo da.

Matrikulaziorako argibideak

Ez dago izen ematerik eta parte hartzea librea da, baina aretoaren aforoagatik, plazak mugatuak dira (50 pertsona).

Oharrak

Norberak bere ordenagailu eramangarria ekarri beharko du. Aretoan mahaiak, aulkiak eta entxufe luzagarriak egongo dira. Internetera konexioa wifi bidez egingo da.

Etiketak

ueu, jardunaldia, internet, euskal wikipedia, wikipedia, wikipediako edizioa, jakintza librea, entziklopedia librea, itzulpen automatikoa, itzulpen-tresnak