IEB2009. Teknologia berriak, gaur eta bihar

Aurtengo ekitaldiaren izenburua IEB2009: Teknologia berriak, gaur eta bihar izango da.

Teknologiaren kontzeptuak hainbat jakintza-arlo biltzen ditu, eta, horien artean, batez ere azken urteotan izandako garapenagatik, telekomunikazioak paper garrantzitsua betetzen du gure gizartean. Izan ere, informazioaren eta komunikazioen teknologiak (IKT) edo baliabide telematikoak gaur egun bizi garen Ezagutzaren edo Informazioaren Gizartearen oinarri dira.

Internet mundu osoan zabalduta dagoen sareen sare erraldoia da, eta honen bitartez edonork informazioa lortu, banatu eta prozesa dezake edonon, edonoiz. Internet ohikoa den gizarte honetan, ezinbestekoa bihurtu zaigu gure arteko komunikazioan, eta enpresetan baliabide estrategikoa da. Bestalde, Internet ezin da, gaur egun, elkarlana eta kooperazioa bezalako ideietatik aparte ikusi.

Oraingoan ere, bilkuraren gai nagusitzat Internet hartu dugu. Batetik, arlo horretan izandako esperientzien berri ematea litzateke gure asmoa. Bestetik, ohi bezala, euskaraz garatutako softwarea aurkeztea ere nahi genuke.

Bilkuran aukera ezin hobea izango dugu teknologia kontu horien inguruko egoeraz eta etorkizunaz eztabaidatzeko.

Azken bi edizioetan bezala UEUko Informatika Saila eta Miramon Enpresa Digitala elkarlanean ari gara Bilkura honen antolakuntzan.

Irakasleak

• Karmele Artetxe Sanchez

  Historialarian doktorea. Dokumentazio gaietan aditua da eta  euskal komunitate zientifikoaren inguruko doktorego-tesiaren egilea.

  2011tik UEUko Zuzendaria da.

• Josu Azpillaga Labaka

  Industria ingeniaria. Internet eta teknologia berrietan aditua. Codesyntax-eko kidea.

• Jon Bonilla Magunacelaya

  Informatikaria eta IP telefonia gaietan aditua.

• Luistxo Fernandez Ostolaza

  Interneten aditua. Tagzania eta Sustatu egitasmoetan lanean ari da.

• Maite Gomez Lete

  DBH-ko irakaslea Haurtzaro ikastolan eta Ikaselkar eta EHI-n Matematika arloko koordinatzailea.

• Egoitz Gonzalez Valderrrama
• Igor Leturia Azkarate

  Informatikan doktorea, hizkuntz teknologietan ikertzailea Elhuyar Fundazioan, UEUkidea.

  Twitter: @ileturia

• Oihan Odriozola Aranburu

  Ikastolen Elkartearen Ikasys proiektuaren software eta hardware arduraduna.

• Haritz Rodriguez Perez
• Asier Sarasua Aranberri

  Ahotsak.com egitasmoko arduraduna. Interneten aditua da eta euskara eta teknologia berrien inguruko gaiak uztartzen ditu.

• Arkaitz Zubiaga Mendialdua

  Informatikan ingeniaria. Lengoaia naturalen prozesamendua eta informazioa eskuratzearen gaien inguruan doktoretza ikasketak burutzen ari da.

Helburuak

Etengabeko garapenean bizi den gizarte honetan, aurrerakuntza eta aldaketak gero eta arinago ematen ari dira, euskara eta euskaldunok ere egoerara moldatu eta irtenbideak ematen saiatzen gara. Jardunaldi hauetan garapen teknologikoen egoeraz hausnartu eta etorkizuneko panorama berrian gure komunikazioak duen etorkizuna aztertuko dugu.

Teknologia berriek gaur egun eta etorkizunean euskara normalizatzeko eskaintzen dituen aukerak aztertzeko ondoko helburu zehatzak finkatu ditugu:

• Internet-ak eskaintzen dituen euskararen aldeko ekimenak ezagutzea
• Internet eta teknologia berriak euskaraz garatzeko ematen diren aurrerapausuak ezagutzea
• euskaraz landutako edo euskaraz erabiltzeko teknologiak euskal gizartean duen edo izan dezakeen eragina aztertzea
• web 2.0 filosofiaren barruan euskaraz eramandako esperientziak ezagutzea

Eta zeharkako helburu bezala:

• Jardunaldiak informatikaren alorrean lanean dihardutenen edo euskararen biziberritzearekin konprometituta daudenen topaleku eta bilgune izatea.

Edukiak

 09:00-10:00 Lehenengo hitzaldi-saioa. Ikerketa eta semantika

 10:00-11:00 Bigarren hitzaldi-saioa. Teknologia aurreratuak eta enpresa

11:30-13:30 Komunikazioak. Saio paraleloak (bakoitza: 20 minutu)

13:30-15:30 Bazkaria

15:30-17:30 Gizartea, kultura eta artearen gaineko eragina

Metodologia

Aurreko bilkuretako arrakasta eutsirik, IEB2009 honetan ere 3 formato erabili ditugu:

- Hitzaldiak. Jardunaldietako gai nagusiari lotutakoak

- Komunikazioak: Esperientzia eta proiektuak eta Aplikazioak. Egun euskaraz burutzen ari diren proiektu ezberdinak ezagutzeko plataforma bihurtu da IEB2009. Horrela, paraleloan antolatutako komunikazio laburren bitartez parte hartzaileek gogoko dituzten aurkezpenetara joateko aukera dute.

- Mahai ingurua. Gaiarekin lotutako mahai inguru parte hartzailea antolatzen da, bertan iritzi trukaketa eta galdera-erantzunak egiteko aukera emanez.

Nori zuzendua

Informatikari (zentzu zabalenean hartuta) euskaldunak: softwaregile, erabiltzaile, ikasle, irakasle, teknikari eta abar.

Matrikulaziorako argibideak

Babesleak

• 

  Donostiako Udala-Euskara Zerbitzua

• Eusko Jaurlaritza. Kultura Saila

Etiketak