0 Item
Udako Ikastaroak :: Soziologia
Euskal punk eta (des)eraikuntza nazionala: ukaziotik harago.
- Hasiera-data: 2010(e)ko uztailaren 12a
- Amaiera-data: 2010(e)ko uztailaren 15a
- Tokia: Lekeitio - R.M. Azkue ikastola
- Nola heldu: http://www.tagzania.com/pt/ueu-eibar/
- Ordutegia: Astean zehar. 10:00-13:00 eta 15:00-16:30
- Izaera: Presentziala
- Ordu kopurua: 20 ordu
- Matrikula-epearen hasiera: 2010(e)ko maiatzaren 10a
- Matrikula-epearen bukaera: 2010(e)ko uztailaren 4a
80ko hamarkadan Euskal Herrian ezagutzen den egoera soziala oso bitxia eta espezifikoa da, eta, horregatik, bertan jasotzen diren fenomeno sozialak ikuspegi horretatik behatuak izan behar dira. Estatu espainiarrean frankismoaren erregimen autoritariotik Europan homologazio demokratikoa lortu nahi duen sistema parlamentario-monarkikora pasatu da eta irtenbide hori Euskal Herrian oso erresistentzia handiak ezagutzen ari da bertako aldarrikapen identitario-subiranistak oso era murriztuan (agente askoren ustez behintzat) asebetetzen ari direlako. Baina aldi berean europartze horrek —eta 70eko hamarkadako erregai fosilen prezioen gorakadak eragindako krisi ekonomiko globalak— sakoneko errekonbertsio industriala eskatzen du. Testuinguru horretan, Euskal Herriko gazteriari aurkezten zaion panoramak langabezia-kota handiak, aurreko belaunaldien amets libertarioen akitzea edo egokitzea, errepresioaren gorakada, derrigorrezko soldaduska (gizonezkoentzat) eta antzeko gaiak ditu osagai. Ukazioa izango da erantzun zabalduenetako bat, makurtze edo egokitzea baino. Baina gerorik ikusten ez duen ukazio horrek (punk fenomenoaren alde negatiboa) do it yoursef/ geroa gure kaxa eraiki proposamen positiboa eta sekulako eztanda sortzailea (punk musika, espazio autokudeatuak, nork bere ibilbide biografikoa diseinatu, etab.) eragingo du.
Irakasleak
-
Juan Luis Zabala Artetxe
Berriako kultura saileko burua.
-
Iban Galletebeitia Gabiola
UEUkidea, UEUko Soziologia sailburua. EHUko ikertzailea.
-
Ibai Atutxa Ordeñana
Literaturan aditua.
-
Gotzon Hermosilla Bermejo
Kazetaria.
-
Patxi Gezuraga Uriarte
'Patxi Gaztelumendi'. Sare digitalean aditua. UEUkidea.
-
Julen Azpitarte Goienetxea
Kazetaria.
-
Imanol Galfarsoro Madariaga
Soziologian lizentziatua, Leeds-eko Unibertsitateko irakaslea eta doktoregaia.
-
Jone M. Hernandez Garcia
EHUko antropologia irakaslea.
-
Mario Zubiaga Garate
UEUko soziologia saileko kidea, EHUko irakaslea.
-
Josu Larrinaga Arza
Soziologoa, EHUko irakaslea eta Parte-Hartuz ikerketa taldeko kidea da.
-
Iñaki Barcena Hinojal
Soziologoa, EHUko Politika eta Administrazio zientzietako irakaslea
-
Jesus Maria Zabala Ajuriagerra
'Josu Zabala'. Hertzainak, 7 Eskale, Gora gu ta gutarrak.
-
Asier Blas Mendoza
UEUko soziologia saileko kidea, EHUko irakaslea.
-
Igor Ahedo Gurrutxaga
EHUko irakaslea.
-
Ibon Rodriguez Rodriguez
Musikaria.
-
Xabier Aierdi Urraza
Soziologoa, EHUko irakaslea.
-
Ritxi Aizpuru Zubizarreta
Musika editorea.
Helburuak
- Musika/gizartea ildoan sakontzea.
- Punk fenomenoaren eragina Euskal Herrian aztertzea.
Edukiak
- 80ko hamarkadaren kokapen soziologikoa.
- Euskal Herriko instituzionalizazio/desinstituzionalizazio prozesuak.
- Punk fenomenoaren eztanda gazteriaren ezinegon bezala.
- Ukazio bidezko baieztapen (de)konstruktiboa.
- Zer da Punk izatea gaur egun?
- Punk korrontea Euskal Herrian.
- Des/erainkuntza nazionala, eta ukazioaren logikak Euskal Herrian.
- Desobedientzia zibila.
Metodologia
Erabiliko den metodologia pedagogikoa: parte-hartzailea, sortzailea, berritzailea.
Nori zuzendua
Gaian interesa duen orori (musikaz, gizarteaz eta kultur arimaz interesatzen den orori).
Egitaraua
2010-07-13
| 09:30-13:30 | Euskal Herriko punk eztanda: jendetzaren autonomia aldarrikatuz, nazio eraikuntza arazotuz. (hitzaldi laburrak eta mahai ingurua) |
|
| 16:00-18:00 | Punk perretxikoak EHn. (musika entzunaldia) |
|
| 19:00-21:00 | Goroldiorik gabeko harribitxiak: kantu definitiboen bila. (hitzaldia eta musika entzunaldia. SAIO IREKIA) |
|
2010-07-14
| 09:30-13:30 | Erreboltatik instituzionalizaziora, 'Do it yourself DIY) bitarte: martxa mantsotu, borroka galdu? (hitzaldi laburrak eta mahai ingurua). | |
| 16:00-18:00 | Sustraiak, rock, rap, reggae eta bere ifrentzuak: 'mad dogs and the englishmen' EHn. (musika entzunaldia) |
|
| 19:00-21:00 | Mikel Laboa: sekula belardiko musikaria. (hitzaldia eta musika entzunaldia, SAIO IREKIA) |
|
2010-07-15
| 10:00-14:00 | Euskal Herria gaur: punk ala normaldu, basatiak edo hiritarrak. (hitzaldi laburrak) |
|
| 16:30-18:30 | Punk-a establishment bilakatua? Insurjentziaren soinu berrien bila. (musika entzunaldia) |
|
| 22:00-23:00 | Kontzertua: Mikel Laboaren omenez. |
|
2010-07-12
| 10:00-12:00 | Galdu arte: punk erreboltaren erradiografia bat munduko (EHko) leku baten. | |
| 16:30-18:30 | Ezpainetako margo arrastoen xerka munduan zehar: G. Marcus-en teoriak eta punk lurraldeak. |
|
Matrikulaziorako argibideak
- Matrikula orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.
- Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, i.iciar@ueu.org (Irati).
Oharrak
Ikastaro honen harrera eta lehen eguna, uztailaren 12an, EIBARren izango da, UEUren Ikastetxe Nagusian, Markeskoa Jauretxean. Ikusi mapa.