Udako Ikastaroak :: Pedagogia

Hezkidetza: XXI. mendeko erronka.

Hezkidetzari orain arte ez zaio behar besteko garrantzirik eman eta denborak erakutsi digu parekotasunezko harremanak lantzea beharrezkoa da, haurreskolatik hasi, eskolan, aisialdian zein etxean bertan.

Irakaslea

• Clara Perez Wolfram

  Emakumeen eta gizonen berdintasun masterra (EHU, Emakunde)

Helburuak

• Sexismoaren eragina haurren nortasun-eraikuntzan aztertzea.
• Generoaren trasmisio mekanismoak aztertzea: keinu txikien eragina.
• Nesken eta mutilen parekidetasuna sustatzeko baliabide personalak eta praktikoak garatzea.

Edukiak

1. Sexismoaren trasmisioa:

• Neska izatea, mutila izatea, egungo jendartean.
• Sexismoaren mugak eta gaitasunen banaketa.

2.Neskek eta mutilek jasotzen dituzten mezuak:

• Ahotsa, gorputza eta kontaktua
• Komunikazio eredu femeninoa / maskulinoa
• Balorazio estetikoa eta ekintzen balorazioa
• Gustuen sorrera: gaitasunen genero banaketa
• Jolasen balorazioa

3. Ipuinen azterketa: heroiak, animaliak eta lotura afektiboak.

Metodologia

Tailerra. Ikastaro praktikoa.

Ikastaroko partaideei galderak egingo dizkiegu eta talde ariketa zehatzen bidez, denon artean, atal teorikoa osatu eta jarreren eta jardueren azterketa egingo da. Horretarako hainbat metodologia erabiliko dira: argazkien proiekzioak, laburmetraiak, marrazkiak, ipuinak, gorputz-adierazpena...

Nori zuzendua

Bereziki haurrekin eta gazteekin lan egiten duten hezitzaile, irakasle eta gurasoei. Baina gaiarekin interesa daukan edonork har dezake parte.

Matrikulaziorako argibideak

Etiketak

hezkidetza, genero identitatea, parekidetasuna, neskak, mutilak, heziketa