Lurralde-antolamendua Euskal Herrian: eredu aldaketaren beharra?

Lurralde-antolamendua: tresna administratibo, politika ezberdinen elkargune, inguru fisikoak eskaintzen dituen errekurtsoen kudeaketa egoki eta gizartearen eskariaren eta beharren arteko oreka lortzeko politikatzat jo dezakegu. Lurralde-antolamendua garatzeko orduan asko dira kontuan hartu beharreko arloak eta eragileak. Ikastaro honen bidez, 2009ko uztailean antolatutakoari jarraipena eman nahi diogu, lurralde-antolamenduak jorratzen dituen arlo eta eragileen arteko erlazioetan sakonduz. Era berean, lehengo urtean izandako gabeziak konpondu eta problematikan sakontzen jarraituko genuke. Horrela, Euskal Herriko lurralde-antolamenduaren gaur egungo analisia, etorkizuneko gatazkak, erronkak eta abar landuko dira, eredu-aldaketaren beharra ardatz izango dugularik.

Irakasleak

• Iñaki Antigüedad Auzmendi

  Hidrogeologian katedratua, UPV/EHUko irakaslea, UEUko kidea.

• Joseba Koldobika Arbaiza Alvarez

  Geografoa, EHUko Geografia, Aurrehistoria eta Arkeologia saileko ikertzailea. UEUko bazkidea.

• Joseba Azkarraga Etxagibel

  Soziologian doktorea. LANKIko ikertzailea, MUko irakaslea (HUHEZI), UEUko kidea.

• Imanol Azpiroz Artano

  Gipuzkoako Hondakinen Kudeaketarako enpresa publikoko administrazio kontseilukidea

• Gorka Bueno Mendieta

  Telekomunikazioetan doktorea, UPV/EHUko irakaslea eta ikertzailea. UEUko kidea.

• Unai Fernandez de Betoño Saenz de Lacuesta

  Arkitektoa, EHUko irakaslea, UEUkidea eta Aldiri aldizkariko zuzendaria. Euskarazko wikipediako kidea.

• David Hoyos Ramos

  ECOPOL: Ekonomia Ekologikoan eta Ekologia Politikako Ikerketa Taldeko kidea.

• Iñaki Lasagabaster Herrarte

  Zuzenbidean doktorea, UPV/EHUko Konstituzio Zuzenbidea, Administrazio Zuzenbidea eta Zuzenbidearen Filosofia Saileko katedraduna.

• Mikel Lasarte Arangoa

  Nekazari ingeniari teknikoa, UEUko kidea. Abeltzaintzako teknikaria EHNE sindikatuan.

• Peio Lozano Valencia

  Geografian doktorea, UPV/EHUko irakasle eta ikertzailea.

• Oihane Ruiz Menendez

  Arkitektoa.

• Bixente Taberna Irazoki

  Iruñeko udaleko arkitektoa eta EHUko irakaslea.

• Koldo Telleria Andueza

  Arkitektoa.

Helburuak

• Lurralde-antolamenduaren irakurketa kritikoa egitea.
• Lurralde-antolamenduari lotutako gaiak zabaldu eta Euskal Herriko eskalara ekartzea.
• Lurralde-antolamenduan eragina duten politikak krisi ekonomiko egoeran aztertzea eta bestelako ereduak lantzea.
• Lurraldeak aurkezten dituen ezaugarriak ulertu eta haien arteko harremanak interpretatuz Euskal Herriko lurralde-antolamenduari lotutako politiken inguruko hausnarketa kritikoak bultzaraztea.
• Eragile ezberdinen iritziak kontrajartzeko aukera edukitzea.

Edukiak

• EAEko Lurraldearen Antolamendurako Artezpideen (DOT) berrikuspena, Nafarroako Lurralde Estrategiaren garapena eta Iparraldean lurralde-antolamenduaren gainean dauden planteamenduak.
• Uraren eta hondakinen kudeaketa.
• Nekazaritzaren garrantzia lurralde-antolamenduan (paisaia, uraren kudeaketa, biztanleria, transgenikoak, gertuko nekazaritza eta kontsumoa...).
• Hirigintzari lotutako aspektuak (gure hirietako auzo berriak, hirigintza eta generoa, Iruñerriko metropolizazioa…).
• Deshazkundea eta trantsizioan dauden herri/hiriak eta lurralde-antolamendua (petroliorik gabeko etorkizuna lantzen).

Metodologia

Ikastaroa bi bloketan banatuko genuke:

1. Lurralde-antolamenduari lotutako azterketa teorikoak (eskola).
2. Saio ireki eta praktikoagoak, tokiko kasuen azalpenak, tailerrak edota irteera bat.

Etengabeko partaidetza eta eztabaida bilatuko da ikastarora hurbiltzen diren lagun guztien artean.

Nori zuzendua

• Ikasleei (Geografia, Zuzenbidea, Ekonomia, Biologia, Soziologia, Arkitektura, Ingurumen Zientziak…).
• Irakasleei.
• Lurralde-antolamenduaren inguruko gaietan lan egiten duten profesionalei (planifikatzaileak, teknikariak, aholkulariak…).
• Lurralde-antolamenduarekin lotutako gaiak jorratzen dituzten eragile sozialei.

Matrikulaziorako argibideak

Etiketak