Heziketa emozionala: berdinen arteko harremanak hobetuz.

Inprimatu

Hasiera-data: 2010(e)ko uztailaren 21a
Amaiera-data: 2010(e)ko uztailaren 22a
Tokia: Iruñea - Hizkuntza Eskola Ofiziala
Nola heldu: http://www.tagzania.com/pt/ueu-irunea-3/
Ordutegia: Astean zehar. 9:00-13:00 eta 15:00-17:00

Izaera: Presentziala
Ordu kopurua: 16.00 ordu
Matrikula-epearen hasiera: 2010(e)ko maiatzaren 10a
Matrikula-epearen bukaera: 2010(e)ko uztailaren 11a

Azken urte hauetan asko hitz egin da trebezia eta konpetentzia sozialei buruz, eta ondorioz, ezinbestekoa da emozioez aritzea eta heziketa emozionalari heltzea. Elkarbizitza hobea nahi baldin badugu beharrezkoa izango da emozioetan heztea jaiotzen garenetik. Beraz, ikastaro honetan elkarbizitza hobe batean eragiten duten faktoreak aztertu eta landuko ditugu, emozioei garrantzi berezia emanez eta emozioak identifikatzeko, ezagutzeko eta espresatzeko zenbait teknika aztertuz eta ikasiz.

Irakaslea

Eli Moreno Carrillo
Psikologoa, bitartekari familiarra eta sexologoa. Gaur egun orientatzaile lanak eta formazioa tartekatzen ditu.

Helburuak

Ikastaro honen helburu nagusia, partaideek heziketa emozionala egiteko gaitzea da; heziketa emozionalaren bitartez elkarbizitza hobea eta errazagoa lortuko baita.

Edukiak

Berdinen arteko giroa hobetzeko estrategiak.
Konpetentzia sozialetan hezteko teknikak.
Emozioak egunerokatasunean.
Emozioen identifikazioa.
Emozioak eta elkarbizitza.

Metodologia

Metodologia praktikoa erabiliko da, parte-hartze aktiboa bultzatuko da; horretarako zenbait baliabide eta teknika erabiliko dira: audiobisualak, role-playing-ak, philips 66…

Nori zuzendua

Haur eta gaztetxoekin lanean ari diren profesionalei edota haiekin lan egin nahi dutenei: irakasle, psikologo, pedagogo, kale-hezitzaile, gizarte-langile, gizarte-hezitzaile, aisialdiko hezitzaile…

Matrikulaziorako argibideak

Matrikula orria bete ondoren, zure posta elektronikoan mezu bat jasoko duzu, matrikulazioaren inguruko argibideekin.

Ez baduzu mezurik jasotzen, akatsen bat egon dela adierazten du. Horrela bada, jarri gurekin harremanetan: 943 82 14 26, i.iciar@ueu.org (Irati)

Etiketak

heziketa emozionala, inteligentzia emozionala, elkarbizitza, emozioak, udako ikastaroak