AOI (Arazoetan Oinarritutako Ikaskuntza) metodologia eta IKT unibertsitateko irakaskuntzan.

Ikastaro honi 40 ordutako Balio Akademikoa aitortuko zaio.

Egungo unibertsitateko irakaskuntza IKTek eta berrikuntza pedagogikoak ezaugarritzen duten testuinguru akademiko batean kokatua dago, eta testuinguru horretan,  AOI [ Arazoetan Oinarritutako Ikaskuntza ] metodologiak egungo unibertsitateen eredu pedagogikoen helburuei bete-betean erantzuten die. AOI+IKT formula da, beraz, landuko duguna, metodologia konkretu bat egungo testuinguruan kokatzeko ahaleginean. Ikastaroa teoriko-praktikoa  eta semi-presentziala izango da. Saio presentzialetan teoria eta praktika uztartuko dira. Ikastaroaren azken fasean, berriz, praktika ikasgelatik kanpo egingo da. Horretan laguntzeko, bi asteko on line tutoretza eskainiko da. Azkenik, egindako lanen aurkezpenekin ikastaroa itxiko da.

Irakasleak

• Iratxe Esnaola Arribillaga

  UEUko kidea, EUren Hezkuntza Proiektuan parte-hartzailea, Deustuko Unibertsitateko irakaslea, Informatika ingeniaria. PuntuEus Elkarteko kidea.

• Olaia Jimenez Arrieta

  UEUko kidea, EUren Hezkuntza Proiektuan parte-hartzailea, Mondragon Unibertsitatean HUHEZIko irakaslea, pedagogo eta psikopedagogoa.

Helburuak

• AOI metodologia menderatzea.
• IKTen erabilera egokiaren beharraz jabetzea.
• AOI eta IKTak uztartuko dituen irakaskuntza-ikaskuntza eredua lantzea.
• Irakasgai edo unitate didaktiko bat AOI+IKT formulara bideratzea.

Edukiak

1. AOI metodologia: autonomian eta lankidetzan oinarritutako zazpi urratsetako ikaskuntza.
2. IKTen erabilera: egokitasuna eta unibertsitateko irakaskuntzarako ekarpenak.
3. Nola uztartu AOI eta IKT unibertsitateko irakaskuntzan? Aukerak eta erronkak.
4. Praktika: Nola bideratu ikasgai bat edo unitate didaktiko bat AOI+IKT formulara.

Metodologia

Aurrez aurreko saioetan: Sarrera unean, tailer teoriko-praktikoak egingo dira. Horietan, azalpen teorikoak izango dira eta horren ulermena eta aplikazioa ikusteko, jarduera praktikoak burutuko dira, alegia, egiten ikasteko metodoa erabiliko da. Jarduera horietan, ikasleek taldean zein modu autonomoan aritu beharko dute, horiek baitira metodologia horretako bi konpromiso nagusiak.

Aurrez aurreko saioak: uztailaren 18an, 20an eta irailaren 17an.

Metodologiaren urratsak ezagutzen eta ulertzen goazen heinean, garapen eta hausnarketa unean hain zuzen ere, IKTen erabilera txertatzeko tailer praktikoak burutuko dira, bertan, erabilera egokiak landuko dira. Beraz, aurrez aurreko saioetan, AOI metodologiaz, IKTen rol hezitzaileaz eta bi hauen uztarketa praktikoaz arituko gara.

Ondoren, aurrez aurreko saioetan ikasitakoarekin ekoizpen unera igaroko gara. Ikasleek, banaka edo taldeka, unitate didaktiko edo irakasgai bat aukeratu eta AOI+IKT formula aplikatu beharko dute. Azken ekoizpena gidatzeko eta orientatzeko on-lineko tutoretzak egingo dira eta egindako lanen aurkezpenekin ikastaroa bukatutzat emango da.

On-lineko tutoretza epeak: uztailaren 20tik 22ra eta irailaren 5etik 15era (uztailaren 23tik irailaren 4ra, plataforma irekita egongo da baina ez da tutoretzarik egingo)

Nori zuzendua

Unibertsitateko irakasle edo irakaslegaiei eta, oro har, gai hauetan interesa duten guztiei.

Matrikulaziorako argibideak

Oharrak

Ikastaroa on line da baina hiru aurrez aurreko saio ditu, hau da ikastaroaren egutegia:

• uztailak 18: 1. aurrez aurreko saioa
• uztailak 20: 2. aurrez aurreko saioa
• uztailak 20-22: on line tutoretza
• uztailak 23-irailak 4: oporrak
• irailak 5-15: on line tutoretza
• irailak 17: 3. aurrez aurreko saioa

Etiketak