Aldaketa-prozesuetarako gakoak: konfiantza eta autoestimua.

Ikastaroaren ordutegia ondokoa da: 9:00-13:00/15:00-17:00

Ikastaro honi 14 ordutako Balio Akademikoa aitortuko zaio.

Gizakiak, naturak, munduak... etengabeko transformazioan dihardute. Une oro, aldaketak suertatzen dira, batzuk gustukoagoak izaten ditugu, beste batzuk, aldiz, ez hainbeste. Eraldatze bakoitzak bukaera bat eta hasiera berri bat suposatzen du. Sortu, hil eta birsortu... urtea, eguna edo/ta arnasketa bera bezala. Denak, bizitza osoak, erabateko aldaketan dihardu.

Inguruan eta gure baitan ematen diren aldaketen artean, batzuk, beste batzuk baino gehiago kostatzen zaizkigu: lan arloan, harreman kontuetan, familiarteko gorabeherak... Ikuspegi lagungarri batekin, eramangarriagoak eta aberasgarriagoak suerta dakizkiguke hauek.

Irakaslea

• Miren Harizmendi Gonzalez

  Soziologoa, Gestalt-transpertsonal terapeuta, Gizarte Psikologian doktoregaia eta UEUkidea.

Helburuak

• Konfiantza eta Autoestimuaren iturriak ezagutzea, barneratu ahal izateko.
• Konfiantza eta Autoestimuan oinarrituz, aldaketa prozesuak ikasgai zein laguntzat hartzen trebatzea.

Edukiak

1. Bizitza etengabeko eraldaketan.
2. Konfiantza eta onarpena.
3. Autoestimua: geure izateari ematen diogun balioa. Beldurra eta maitasunaren bideak.
4. Aldaketa eta barne behaketa: Nola eragiten dit? Nola bizi dut? Nola eragiten die ingurukoei?
5. Dolua: zaharra askatu, berriari sartzen uzteko.
6. Bizitzaren gorabeherak ikasgaitzat hartuz: Zer ikasi dezaket?

Metodologia

Teoriko-praktikoa.

Nori zuzendua

Aldaketa prozesuren bat jorratu nahi duen edo jorratzen lagundu nahi duen edozein pertsonari zuzendua.

Matrikulaziorako argibideak

Etiketak