Udako Ikastaroak :: Pedagogia, Psikologia, Psikopedagogia

Guraso/hezitzaile eta haurren elkar ulertzea: zigorrak, xantaiak eta mehatxurik gabeko harremanak.

  • Izaera: Presentziala
  • Ordu kopurua: 20.00 ordu
  • Matrikula-epearen hasiera: 2013(e)ko maiatzaren 13a
  • Matrikula-epearen bukaera: 2013(e)ko uztailaren 15a

IKASTAROA BETE EGIN DA, hala ere, eman izena eta itxaron zerrendan sartuko zara baina ez egin ordainketarik (idazkaritzatik zurekin harremanetan jarriko gara).

-------------------------------------------

Nafarroako Gobernuak Homologatutako ikastaroa da hau (ikusi argibideak behean).

.

  • Ez baduzu oraintxe bertan jasotzen zure gela ez duzu telebistarik ikusiko!
  • Platereko dena jaten baduzu, txokolatea emango dizut.
  • Eskolako notak onak badira, Nintendoa erosiko dizut!
  • Gosaldu eta jantzi, eskolara berandu iritsiko gara eta!
  • Niri ez hitz egin tonu horretan!

Sarritan, guraso eta hezitzaileak gauza bera 100 aldiz esaten dugun inpresioa izaten dugu, tonu guztietan, kasu egin baino lehen. Eta honekin batera gure amorrazioa handitzen doa, geure pazientziak gainezka eginaz. Aldi berean, zailtasunak izan ditzakegu gauza bat debekatzeko orduan, exijitzeko orduan… “Ez” esatea kosta egiten zaigu edota gehiegi esaten dugu.

Maiz nahiago genuke beste era batera egin, autoritarismoaren, xantaia eta penaren artean oreka edo erdiko neurria aurkitu, baina ez dugu beste errekurtsorik aurkitzen. Eta sarritan gaizki-ulertuak sortzen dira… Igeri egiten, gidatzen, sukaldean ikastea normaltzat hartzen dugu… Gure autoritatea mantendu, autoritarioa izan gabe, Gure seme-alabekin komunikatzen ere ikas daiteke!

Nola hitz egin haurrei, entzun diezaguten… Nola entzun, hitz egin dezaten…

Irakaslea

Helburuak

  • Gure hitz egiteko moduari erreparatzea.
  • Marshall Rosemberg “komunikazio ez-bortitza"-ren modeloa aurkeztea.
  • Zigor, xantaia eta mehatxuen alternatibak azaltzea.
  • Trebatzea ohiko egoeretan.

Edukiak

  • Gure haurrek gustatzen ez zaigun zerbait egin edota esaten dutenean: Nola esan benetan entzuteko? Zein limite jarri? Zer da autoritatea?
  • Haurrek arazo bat dutenean: Nola lagundu? Zergatik eta nola entzun? Nola lagundu modu progresiboan haiek beren arazoak konpontzeko gai izan eta gero eta autonomoagoak izan daitezen?
  • Haien jokabidea onartzen ez dugunean eta gurekin ez dutenean ezer jakin nahi: Nola konpondu arazoa inork sufritu gabe? Nola lortu norbera errespetatua izatea aldi berean haurra ere errespetatuz?
  • Gure haurrak edo ikasleak beraien artean borrokatzen/haserretzen direnean: Esku hartu behar da ala ez? Nola egin bitartekari-lana, ulertzen lagundu eta pixkanaka beraiek beraien arazoak konpontzeko gai izateko?
  • Nola lagundu haurrei pixkanaka-pixkanaka autonomia eta arrakastaren bidea aurkitzen?

Metodologia

20 ordutakoa da, 14 ordu aurrez aurrekoak eta 6 lan pertsonal baten bidez osatu beharrekoak.

Teoria aurkeztu ondoren, ariketa praktikoen bidez, guraso eta hezitzaileek eguneroko egoerak aztertu eta sakondu ahal izango dituzte.

Nori zuzendua

Guraso, hezitzaile edo interesa duen edonori.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Oharrak

Nafarroako Gobernuaren Hezkuntza Departamentuak homologatutako ikastaroa da hau.

  • Irakasleek beraien meritu baliozkotzetan kredituak lortzeko aukera daukate.
  • Horretarako Departamentuak markatutako prozedura jarraituko da.
  • Homologazioa: 2 kreditu.
  • Homologazio kodea: C4.

 

Ikastaroko parte-hartze ziurtagiria lortzeko ondoko baldintzak bete beharko ditu ikasleak:

  • %80ko asistentzia izatea (asistentzia-orrietako sinadurak hartuko dira kontutan).
  • Lan-pertsonala egin, aurkeztu eta irakaslearen balorazio positiboa.