Eskola komunitatean eta komunitatea eskolan: XXI. mendeko erronkak.

Gaur egungo haurrak etorkizuneko helduak izango dira, hezkuntza sistema aldaketarako baliabidea da eta gizartea hezkuntza sistemako parte da. Nolako eskola nahi dugun jakin behar dugu eta horretarako eskaintza desberdinak ezagutu behar ditugu, gurea eraikitzeko. Zer proposatzen dute partidu politiko desberdinek? zer irizpide bultzatzen dituzte Europatik? Nola lortu dezakegu nahi dugun hori? Honetarako oinarri teorikoa ezinbestekoa izango da, hortik abiatuta XXl. Mendeko eskola eraikitzeko.

Irakasleak

• Lorena Egidazu Ormazabal

  Fisikaria eta matematika didaktikan espezializatua. Gure kooperatibako kidea.

• Eli Moreno Carrillo

  Psikologian lizentziatua. Hezkuntza publikoan 2008-2013, orientazioan eta dozentzian. 2000tik gaur egun arte, heziketarekin harremana duten hainbat formakuntzaren arduraduna: bitartekaritza, heziketa emozionala, sexualitatea eta generoa...

  Unibertsitatea.net atarian elkarrizketa.

Helburuak

• Eskola tradizionalaren oztopoak eta onurak aztertzea.
• Eskola inklusiboak dituen erronkak ezagutzea.
• XXI.mendeko eskolak eman beharko lituzkeen erantzunei buruz hausnarketa bultzatzea.
• XXI.mendeko eskolaren beharrei erantzuteko baliabide sorta ezagutzea.

Edukiak

• Eskola tradizionalaren emaitzak.
• Konstituzioaren 27. artikulua : Eskola Ituna.
• Partidu politikoen hezkuntza programa.
• Eskola inklusiboa lortzeko irizpideak.
• Izaten ikasi: autonomia, ardura, kritikotasuna, norbanakoaren talentuak - Elkarbizitzen ikasi : enpatia, gatazken ebazpena,ingurunearen ezagutza eta egitasmo amankomunak.
• Egiten ikasi: egoerei aurre egiteko konpetentzia, lanerako konpetentzia, talde lana eta ikasketa eta lanaren uztarketa.
• Ikasten ikasi: oinarrizko heziketa gai desberdinetan sakondu ahal izateko.

Metodologia

Ikastaro teoriko-praktikoa izango da. Hausnarketa eta partaidetza bultzatzeko teknikak erabiliko dira. Metodologia aktibo eta partehartzailea.

Nori zuzendua

Hezkuntza formalean lan egiten edo eta lan egitea nahi dutenei. Aldaketa posible dela sinesten dutenei.

Egitaraua