Udako Ikastaroak :: Arkitektura, Eraikuntza

Bazkide egin zaitez

Ondare industriala eta parte-hartzea: eredu zaharrak, paradigma berriak.

Inprimatu
  • Izaera: Presentziala
  • Ordu kopurua: 16.00 ordu
  • Matrikula-epearen hasiera: 2013(e)ko maiatzaren 13a
  • Matrikula-epearen bukaera: 2013(e)ko uztailaren 7a

Eraikuntzaren sektorea geldirik dagoen krisi garai honetan, badirudi sasoia heldu dela eraikin eta eremu industrialek egoera berri honetan jokatzen duten paperaz hitz egiteko. Azken aldian ekimen ugari eta ezberdinak jorratzen ari dira leku eta eragile ezberdinen eskutik, ondare industrialaren inguruan. Eta proposamen edo ekimen hauetariko asko, parte-hartze prozesuekin lotuta agertu dira. Izan ere, parte-hartze ekimenak ere gaur egungo egoeran presentzia berri eta eragilea hartu dute. Ikastaro honetan, ondare industrialak orain arte gure ingurunean nola eragin duen aztertuko dugu, bai eta hemendik aurrera ze paper jokatu ahal duen ere. Eta aldi berean, prozesu parte-hartzaileak eraikin industrialen berrerabilpenean izan dezaketen papera jorratuko da, kasu konkretu batean aplikatu ahalko den metodologia praktikan jarriz.

Irakasleak

Helburuak

  • Ondare industrialak gaur eguneko egoeran duen paperari buruz hausnarketa egin.
  • Ondare industrialaren berrerabilpen kasu ezberdinak aztertu eta jorratu.
  • Hiri-diseinuan parte-hartzeak duen garrantziaz hausnartu.
  • Parte-hartzearen tresna bezala, diseinu-pentsamenduaren inguruko oinarrizko ezagutzak hartu, eta eraikin industrial baten berrerabilpenaren kasuan aplikatu.

Edukiak

  • Ondare industriala eta bere kontestua gaur eguneko egoeran.
  • Ondare/azpiegitura industrialaren berrerabilpen aukeren azterketa eta adibideak, parte-hartzearen bidez.
  • Design Thinking edo diseinu-pentsamenduaren inguruko oinarrizko ezagutza.

Metodologia

  • Lehenengo egunean (uztilak 15), Jardunaldi formatua izango du ikastaroak. Goizean hitzaldiak, eta arratsaldean mahai-ingurua.
  • Hurrengo bi egunetan (uztailak 16 eta 17), ikastaroak enfoke praktikoagoa izango du, eta tailer formatua izango du.

Nori zuzendua

Batez ere arkitektura ikasleengan pentsatuz diseinatu da, eta arkitektoengan orokorrean. Baina aztertuko diren kasuak eta gaiak interes zabalagoa izan dezakete, ez dira arkitektura hutsari buruzkoak eta. Soziologia, ekonomia, politika…ukituko diren heinean, bere inguruko azpiegitura eta ondarean industrialean interesa duen edozeini bideratuta ere egon daiteke ikastaroa.

Egitaraua

2013-07-15
Ordua Edukiak Irakaslea
09:00-09:30

Aurkezpena.
09:30-10:15

Prozesu produktiboen eragina Gipuzkoako hiri-egituran. Eibar, kasu paradigmatiko gisa.

Gipuzkoa bereizten duen ezaugarrietako bat da urak eta uraren ustiapenak lurralde horretan izan duen garrantzia, eta horrek gaur egungo paisaian izan duen eragina. Errota eta burdinolak, proto-industria horren lehen aztarnak, garrantzitsuak dira, hiri-kontzentrazio txikien aitzindari eta, halaber, jatorrizko gipuzkoar fabriken oinarri baitira. Azken horiek hiriguneetatik kanpo kokatu ziren, baina, aldi berean, hirietatik gertu, eta, hala, hiri-hazkunde etena osatu zuten ubideen ertzetan zehar.

Haran-hondoen sustatze selektibo hori Gipuzkoako gaur egungo hiri-paisaia hainbat eratan itxuratzen joan zen, eta Eibar bilakaera horren adibide esanguratsua da. Hiri honen garapena aztertzeak aukera ematen digu bere hiri-fisonomia eta Deba ibaiaren arroko industriak berezko izan dituen ekoizpen- eta antolakuntza-prozesuak erlazionatzeko.

Eskuratu hitzaldi honen materiala: Prozesu produktiboen eragina.
  • Nerea Mendikute San Miguel
  • Madalen Gonzalez Bereziartua
10:15-11:00

Irimo parte hartze prozesua: eremu industrial 'zaharkitu' batentzako aukerak.

Ondare hitzak, azken aldian, bide okerretik eraman du gure aurrekoek utzitako arkitektura aztarnen trataera. Kritika zantzurik gabeko ikuspegi kontserbazionistek geure aurrekoek eraikitako paisaia izozte prozesu batetara bultzatu dute. Ondarea, kriterio estetiko kuestionagarrien menpe geratu da eta haien gaineko legeek ez dute gehienetan eraikin zaharrak gorpuztu eta aktibatzen uzten.

Ondarea baino pre-existentziak ditugula nabarmendu beharko genuke eta hauek baliabide bihur daitezkeela gaur eta biharko. Pre-existenztia industrialen kasuan gainera, egitura azpimarragarriak bilakatzen dira ber-erabiltze eta ber-aktibazio prozesuetan jasan ditzaketen proposamen ireki, malgu eta moldakorragatik.

Eskuratu hitzaldi honen materiala: Irimo parte hartze prozesua.
11:00-11:30

Atsedena.
11:30-12:15

Berreibar proiektua: Eibarko eraikin industrial hutsen berrerabilpena.

Berreibar proiektua Donostiako Arkitektura Goi Eskola Teknikoko ikasle eta irakaslez osatutako M-Etxea taldeak bultzatutako eta Eibarko udalak babestutako proiektua da. Proiektuaren helburuak, hutsik dauden tailerretan ekoizpenerako erabilera duten espazioak sortzea eta ondare industrialaren balioa sustatzea dira.

Proiektu honek, zentzuzko prezio baten truke ekoizpenerako erabilera izatea nahi duten espazioen bila dabiltzan pertsonei eta iragan industriala izan duten arren, egun hutsik dauden eraikinen jabe diren pertsonei lagundu nahi die. Berreibarrekin, erabiltzaileen beharretara egokitutako espazioak sortu, eta jabeen tailer hutsek sortutako gastua deuseztuz, eraikin errentagarriak sortzea nahi da. Horrela, proiektua, epe labur, ertain nahiz luzean, ekoizpen ekintzak sortu nahi dituzten pertsona, talde, kolektibo edo elkarteei edo eta, orain inolako aktibitaterik gabe egon arren, etorkizunean eraikin aktiboak edukitzea nahi duten tailer hutsen jabeei zuzentzen zaie.

Eskuratu hitzaldi honen materiala: Berreibar proiektua.
12:15-13:00

Astra proiektua, kulturarako fabrika soziala: esperientzia parte-hartzaile bat.

Duela zazpi urteko eraikinaren okupaziotik hasita, parte-hartzean du oinarria Astra proiektuak. Gernika-Lumoko hainbat gazte, talde sozial eta kultura nahiz norbanakok, hiru parte-hartze prozesuren bidez Astra zer izango den erabaki dute, baita eraikinaren espazioen banaketa ere, eta orain, eraikina konpondu ostean, eraikinaren kudeaketa Astra Koordinadoraren esku dago, hau da, Astraren etorkizuna modu parte-hartzailean pentsatu nahi duten gazte, talde sozial eta kultural eta norbanakoen esku.
13:00-15:00

Bazkaria
15:00-15:45

Ondarearen artesietatik.

Ondarea zer den galderari erantzuten saiatzean argiak beste itzal agertzen zaizkigu eta argietan ez bezala, itzaletan kontzeptuaren muga eta dinamismo faltak nabariagoak dira.
15:45-17:00

Mahai ingurua.
2013-07-16
Ordua Edukiak Irakaslea
09:00-14:00

Hiri diseinu parte hartzailerako tailerra ondare industrialaren zaharberritzerako.

Kurtso honen xedea hiri-diseinuan parte hartzeak duen garrantziaz hausnarketa egitea da, pertsonen beharretara moldatu eta betiere hiri barneratzaileagoak lortzeko asmoz.

Horrela ba, Design Thinking edo diseinu-pentsamenduaren inguruko oinarrizko ezagutza batzuk emango dira, prozesuaren tresna nagusitzat hobetsiz, eta hainbat lanabes partizipatibo ere aztertuz. Praktika Eibarren erabilerarik ez duen eraikin industrial baten zaharberritzera aplikatuko da.

Eskuratu tailer honen materiala: Hiri diseinu parte hartzailea.
2013-07-17
Ordua Edukiak Irakaslea
09:00-14:00

Hiri diseinu parte hartzailerako tailerra ondare industrialaren zaharberritzerako.

Matrikulaziorako argibideak

  • Matrikulatu aukera sakatu eta bertan agertutako zaizun fitxa bete.
  • Matrikula-orria bete ondoren, zure posta elektronikoan mezu bat jasoko duzu, matrikulazioa eta ordainketaren inguruko argibideekin.
  • Ez baduzu mezurik jasotzen, akatsen bat egon da. Horrela bada, jarri gurekin harremanetan: 943 82 14 26, i.iciar@ueu.org, (Irati).
  • Hemen UEUren matrikulazio-araudi orokorra.

Etiketak

eibar, udako ikastaroak, zaharberritzeak
UEU365
#LUHI5 “Lurraldea eta Hizkuntza. Arnasguneen garapen jasangarrirantz” V. Jardunaldietako ondorioak

2021/01/23

Paul Bilbao: “Hizkuntza-politikan urratsak modu bateratuan egiteko bidea lankidetzatik eta konplizitatetik datorrela erakutsi dute jardunaldiok”

2021/01/20

Iraitz Lazkano: “Zenbait herrialdetan arnasguneetarako hizkuntza politika berezituak legez bermatu dituzte”

2021/01/15

ETIKETAK