Euskararen lekua munduan eta historian: mitoetatik egitateetara.

Eusko Jaurlaritzaren irakasleen formaziorako plangintzaren bidez homologatutako ikastaroa (ikusi argibideak behean).

Euskara hizkuntza isolatua izateak aspaldi erraztu du bere historiaz eta bilakabideaz era guztietako uste eta proposamenak plazaratzeko bidea: XVI. eta XVII. mendeetako historialarien hipotesiez geroztik, euskal herritarrek zein kanpotiko ikertzaileek hainbat proposamen egin dituzte euskararen ustezko izaera bereziaz, jatorriaz, antzinako hedaduraz, euskalkien bilakabideaz eta abarrez. XX. mendean, nazioarteko hizkuntzalarien artean arruntak ziren metodoak gurera iritsi zirenean, arestiko uste horietako gehienak okerrak zirela erakutsi zen; baina, dagoeneko hain zeuden hedatuta non oraindik ere entzun baitaitezke. Ikastaro honek bi ardatz izango ditu: euskararen ustezko berezitasuna eta euskararen barne-historia. Benetan hain berezia al da euskara hizkuntza gisa? Zer leku du munduko hizkuntzen artean? Noiz sortu ziren gaur egun ezagutzen ditugun euskarak? Aldaketarik gertatu al da azken mendeotan?

Irakasleak

• Borja Ariztimuño Lopez

  Euskal Filologian lizentziatua eta UPV/EHUko doktoregaia.

• Iñaki Camino Lertxundi

  Euskal Filologian doktorea. UPV/EHUko irakasle titularra Hizkuntzalaritza eta Euskal Filologia Sailean. UEUkidea.

• Ander Egurtzegi Martinez

  Alemaniar Filologian eta Euskal Filologian lizentziatua. UPV/EHUko doktorea.

• Ariane Ensunza Aldamizetxebarria

  Euskal Filologian lizentziatua. UPV/EHUko doktoregaia.

• Ainhoa Etxazarra Arkotxa

  Euskal Filologian lizentziatua.

• Ricardo Gomez Lopez

  Euskal Filologian doktorea. UPV/EHUko irakasle titularra Hizkuntzalaritza eta Euskal Ikasketak Sailean.

  Bloga: Filoblogia

  Twitter: @FiloBlogia

• Ivan Igartua Ugarte

  Filologia Klasikoan doktorea. UPV/EHUko irakasle titularra Ikasketa Klasikoak Sailean.

• Dorota Krajewska

  Hizkuntzalaritzan lizentziatua. UPV/EHUko doktoregaia.

• Joseba Andoni Lakarra Andrinua

  Euskal Filologian doktorea. UPV/EHUko irakasle katedraduna Hizkuntzalaritza eta Euskal Ikasketak Sailean.

• Urtzi Reguero Ugarte

  Euskal Filologian lizentziatua. UPV/EHUko doktoregaia.

  Euskal Herria Sozialista aldizkari marxistako kidea.

• Ekaitz Santazilia Salvador

  Euskal Filologian lizentziatua. NUPeko irakaslea Filologia eta Hizkuntzaren Didaktika Sailean eta UPV/EHUko doktoregaia.

• Koldo Ulibarri Orueta

  Euskal Filologian lizentziatua. UPV/EHUko doktoregaia.

• Blanca Urgell Lazaro

  Euskal Filologian doktorea. UPV/EHUko irakasle titularra Hizkuntzalaritza eta Euskal Ikasketak Sailean, XVIII eta XIX. mendeetako egile euskaldunetan aditua da. Euskaltzain urgazlea.

  Twitter: @b_urgell

• Eneko Zuloaga San Roman

  Euskal Filologian doktorea. UPV/EHUko irakaslea.

Helburuak

• Euskara munduko hizkuntzen artean kokatzea.
• Euskararen ustezko berezitasunak konparazioaren bidez aztertzea.
• Euskararen azken mendeotako historiaren zenbait gai interesgarri azaltzea.
• Euskararen historia aztertzeko metodoak azaltzea eta hausnarketa bultzatzea.

Edukiak

• Euskararen ustezko isolamendua vs mendez mendeko ukipenaren ondorioak.
• Euskararen aldakortasuna eta bilakabidea, beste hizkuntza batzuekin konparatuz.
• Euskalkien jatorria: usteak, frogak eta azterbideak.
• Euskal testu zaharrak eta euskararen barne-historia.
• Euskal literaturaren inguruko uste oker errotuak.
• Euskara ikertzaile kanpotarren begietan.

Metodologia

Nagusiki eta oro har, dinamikotasuna eta parte hartzea bultzatuko dira, baita saio teorikoenetan ere: saio guztietan zenbait material banatu eta ikasle/entzuleekin interakzioa bilatuko da, ikasleen ezagutza eta ideiak oso lagungarri izango baitira zenbait gai aztertzeko eta azaltzeko, eta ikasleei eurei hausnarrarazteko. Eskola magistral klasikoak baino gehiago, tailer-itxurako ikastaro praktiko gidatuak izango dira.

Nori zuzendua

Aipatutako gaien inguruko interesa duen edonor izan daiteke hartzaile: hizkuntzen eta hizkuntzalaritzaren esparruko ikasleak eta irakasleak, eta euskararen historia ezagutu nahi dutenak, (Euskal) Filologiako zein euskaltegietako goi-mailetako ikasleak. Ez da beharrezkoa izango hizkuntzalaritzari eta filologiari buruzko ezagutza izatea, landuko diren ideiak eta ariketa praktikoak oinarrizkoak baitira.

Egitaraua