Haurren parte hartzea: hausnarketarako gunea.

Haurren mundua helduon begietatik antolatzen eta egituratzen ohituta gaude. Hezitzaileok gure errealitatetik eraikitako zerbaitek, ordea, zenbateraino egiten dio haurrari mesede? Eta, haurrek zer pentsatzen dute eurentzako sortutako errutina, espazio eta arauez? Parte hartzeko aukera emanez eta haurrei hitza emanez, denontzako errazagoa den errealitatea eraikitzeko estrategiak landuko ditugu.

Hainbat egitasmotan haurren parte hartzea erdigunean jartzeko aldaketak ematen ari dira eta herri ezberdinetan parte hartze prozesuak areagotzen. Ikastaro honen bidez denon artean ditugun zailtasunak eta dudak landu nahi ditugu. Eztabaida gune bezala proposatu nahi dugu non denon artean haur parte hartzearen inguruko hausnarketa sakon bat egingo dugun.

Ikastaro hau Urtxintxa Eskola eta Txatxilipurdi Elkarteaekin elkarlanean antolatu da.

Euskal Autonomia Erkidegoko unibertsitateaz kanpoko irakasleentzako prestakuntza-ikastaro homologatua, kodea: 1568348014.

Irakasleak

• Amaia Etxabe Goikoetxea

  Txatxilipurdi elkarteko kidea.

• Maitane Muñoz Iturria

  Gizarte hezitzailea eta metodologia parte hartzaileetan aditua. Gaur egun, Eskolako Irakaslea Lanbide Heziketako Gizarte Integrazio Goi Mailako ikasketetan. UEUkidea.

Helburuak

• Parte-hartze kontzeptua argitzea.
• Haurren parte-hartzearen inguruko eduki teorikoen hausnarketa egitea.
• Hezitzaileei haurren parte-hartzea sustatzeko baliabideak eskaintzea eta horretan trebatzea.
• Haurren parte hartzea sustatzeko helduen rolaz hausnartzea.
• Parte-hartze prozesuetan egon daitezkeen zailtasunak aztertzea eta denon artean lantzea.
• Egun dauden esperientzia ezberdinak ezagutzea eta konpartitzea.

Edukiak

1. Zer da haurren parte-hartzea?

• Zer da parte-hartzea eta zer ez?
• Haurren parte-hartzea kontzeptua argitzen.

2. Haurren parte-hartzea lantzeko oinarriak: baldintzak, hezitzailearen rola...

3. Haurren parte-hartzea bultzatzeko baliabideak, tresnak eta teknikak.

4. Haurren parte-hartzea sustatzen duten esperientzia praktikoen analisia.

• OinHerriren aurkezpena.
• Herri desberdinetako esperientziak

Metodologia

Ikastaroan zehar erabiliko den metodologia aktiboa, dinamikoa eta parte-hartzailea izango da. Hizlariak, programa zein partaideak gidatuko ditu hauen inplikazioa, hausnarketa, kritikotasuna eta eztabaida sustatuz. Esperientzi ezberdinak ezagutzeko gonbidapenak egingo ditugu.

Eztabaidagune bezala kokatzen dugunez denon artean eraikiko dugu ikastaroa.

Nori zuzendua

Hezitzaileak, gurasoak, haurrekin parte hartze prozesuak daramatzatenei eta martxan jarri nahi dituztenei eta orokorrean gaian interesa dutenari.

Matrikulaziorako argibideak

Oharrak

Euskal Autonomia Erkidegoko unibertsitateaz kanpoko irakasleentzako prestakuntza-ikastaro homologatua, ebazpena 2015eko ekainaren 25ekoa eta kodea: 1568348014.

Etiketak